• الرئيسية
• السوشيال

وجهت سهام، إحدى متابعات قضية فاطمة عروس بورسعيد، رسالة إلى المستشار أحمد شمس، محامي فاطمة، قالت فيها: «حسبي الله ونعم الوكيل فيك، ربنا ينتقم منك في أعز ما عندك»، وذلك لأنها ترى أن دعاء، المتهمة في قضية قتل فاطمة عروس بورسعيد، بريئة.

ورد المستشار أحمد شمس على الرسالة قائلًا:

«حسبي الله ونعم الوكيل. رسالة من سهام بتقولي: حسبي الله ونعم الوكيل فيك، ربنا ينتقم منك. في إيه؟ أول رسالة يا سهام؟ تقيلة.

أنا كنت عامل حساب إن أنا مش هتكلم في الموضوع ده تاني، إن أنا عارف إن فيه انتقادات كتير وناس كتير شككوا في ذمتي وشككوا في شخصيتي، بس إنتِ عليّا دعوة زي دي ليه؟ ليه؟ ليه يا سهام؟

أنا عايز أقولك على حاجة علشان أنهي الموضوع ده: إن في ناس زيي كتير مضللة، أنا كنت من ضمن الناس أو الناشطين المضللين زيهم، ولكن أنا كنت أبحث عن الحقيقة، وما سكتش، إلا والله ربنا قدر ووصلت وتأكدت.

صلّي على النبي، واعرفي إن أنا لو ظلمت واحد في يوم واحد بس، ربنا هيعاقبني بيه، وهيعاقبني بيه في عزمي، أنا عارف حاجة زي كده.

فهل ممكن أضحي بعزمي وأملي علشان خاطر أي حد؟ هي ليها دقيقة كده. هل ممكن أضحي بعزمي وأملي علشان خاطر أي حد وأنا معايا في الدعوة؟

لو ظلمتها واحد في المية، لو ظلمتها واحد في المية، أنا موافق على الدعوة دي يا سهام، علشان ننهي الجدل ده.

أنا لو ظلمت دعاء واحد في المية، أو إني لم أسعَ بكل الطرق علشان أعرف الحقيقة، أنا معاكِ في الدعوة دي. أقولك يا رب إن هي الحق، لو كنت ظلمتها.

عشان فيه تضليل كتير قوي في الموضوع ده يا جماعة. لازم أكون عارف قوي كتير قوي عن الموضوع ده يا جماعة، ولازم أطلع إشاعات تانية قوي علشان الموضوع يطول علشان مصلحتهم الشخصية يا جماعة.

ما ينفعش إن أنا أقول كلمات أكتر من كده، ما ينفعش إن أنا أجرح في حد، أنا ماليش دعوة بيه، أنا ماليش علاقة بيه.

بس إنتِ يا سهام، إنتِ أو غيرك، أنا طلعت طلبت دعم جنيه واحد بس من أي حد منكم؟ شفتوني طالع لايفات أو طالع منصات أو طالع كذا أو طالع كذا وبطلب دعم بجنيه لأي حد فيكم؟

عملت كده على بتاع الكلام ده؟ على شطارة الكلام ده؟ شفتوني واخد القضية شمال في يمين، وكل يوم أطلع أتكلم فيها وأقول فلان قال وفلان عاد و... شفتوني بعمل كده؟ أنا بعمل كده؟

يا سهام... يا سهام... يا جماعة... مش عايز أصدق... ما أصدقش... مشكك فيه يعني... ربنا يتولاه وربنا يسامحه يعني.

مش هحمّل حد وزر حاجة علشان هو شخص مظلوم، بس والله الذي لا إله إلا هو، وحياة المصحف ده... المصحف ده... أنا ما بقول غير الحقيقة.

صرت لحد هذه اللحظة فاضل، مش من أجل حد، ولكن من أجل دم بريء، لدم أبرياء، عشان طفل، إن شاء الله قدر الله، حد من العيال هيحصله حاجات، ألاقي اللي واقف جنبه، لآخر نفس، لحد ما يعرف الحقيقة ويجيب له حقه.

مش بعمل كده علشان... ولا علشان أي حد.

عايزك تصدقي، صدقي إنتِ. إنتِ زيي، مش عايزك تصدقي واحد خالص، ولكن مطلق الحرية... على... حرام... تدعي عليّا دعوة زي دي».

ويأتي رد المستشار أحمد شمس في ظل حالة الجدل المستمرة بين متابعي قضية فاطمة عروس بورسعيد، مع اختلاف الآراء حول موقف دعاء المتهمة في القضية، حيث ترى سهام أن دعاء بريئة، بينما يؤكد شمس أنه تمسك بموقفه بعد بحثه وسعيه للوصول إلى الحقيقة.