• الرئيسية
• السوشيال

في استغاثة مؤثرة، ظهرت فتاة تُدعى مريم النشار من مدينة طنطا بمحافظة الغربية، عبر مقطع فيديو نشرته على صفحتها الشخصية، تروي فيه تفاصيل مأساة إنسانية نادرة الحدوث؛ إذ فقدت أسرتها بالكامل في حادث مأساوي على طريق العلمين الدولي، ثم وجدت نفسها – على حد قولها – في مواجهة ظلم من عمها، الذي طردها وشقيقتها من منزل العائلة وحرمهما من الميراث.

وأضافت: طلعنا من البيت الساعة 3 بالليل، ولما وصلنا طريق العلمين الساعة 6 الصبح، بابا كان سايق بس فجأة نام على الدركسيون، وفضلنا ننادي عليه ونصوت لحد ما خبطنا في عربية نقل، الناس اتجمعت عشان تطلعنا من العربية، لقوا بابا متوفي، ومعاه آدم وندي هما كمان، وخرجونا من العربية بصعوبه وخدونا على المستشفى، وأنا ونهال وحنين وماما كان فينا إصابات خطيرة.

وتابعت: يوم دفن بابا وندي وآدم، عمي نزل من العربية في نص الطريق يشتري مشبك وهريسة، وكان فرحان إن بابا وأخويا ماتوا في يوم واحد عشان هيورث، بابا كان شغال في البترول وعيونهم دايمًا كانت علينا، ولما رجعوا من الدفن، ماعملوش عزاء لا لبابا ولا لإخواتي.

واختتمت مريم استغاثتها: أنا مش كويسة، أهلي وحشوني جدًا، ومش قادرة أعيش من غيرهم. دلوقتي قاعدة في بيت جدتي، لأني لما رجعت من المستشفى عمي طردني أنا وأختي، وقال لنا: ملكوش ورث ومش هتاخدوا حاجة.