الخميس 10 يوليو 2025 01:13 صـ 14 محرّم 1447 هـ
قضية رأي عام
رئيس مجلس الإدارة هشام ابراهيم رئيس التحرير محمد صلاح
×

محمد الباز: مها الصغير عندها هلاوس مش حرامية

الأربعاء 9 يوليو 2025 12:20 مـ 13 محرّم 1447 هـ
محمد الباز
محمد الباز

محمد الباز عبر صفحته على فيسبوك

مجرد رأى

مها الصغير مش حرامية، مسرقتش اللوحات الأربعة وادعت انها هى اللى رسمتها.

مها الصغير فى الغالب بتعانى من اضطراب نفسى حاد، بتعانى ربما بسبب الظروف اللى مرت بيها من حالة اهتزاز فى ثقتها بنفسها، العالم من حواليها انهار تقريبا، وممكن جدا تكون بتعانى من هلوسات خيّلت لها إنها فعلا رسمت اللوحات دى، لأن حتى اللى بيسرق لوحات بيغير شوية من ملامحها، لكن يجيبها ويقول دى بتاعتى، فده جنون كامل، لان حالة الانفتاح اللى بيعيشها العالم تخلى أى سرقة تتكشف بسهولة، فمفيش حد هيعرض نفسه لأزمة زى دى وهو فى كامل قواه العقلية.

بيتهيألى الموضوع محتاج تحليل نفسى، فلو فيه حد من خبراء الطب النفسى يقول لنا إيه الحالة دى يبقى كتر خيره.

اللى باقوله ده لا ينفى طبعا إننا قدام عملية سطو وخطأ كبير وسقطة مدوية.