غادة عبد الرازق تفجر مفاجأة عن الشخصية الحقيقة لحكاية تحت الحزام

تحدثت الفنانة غادة عبد الرازق عن نجاح آخر أعمالها الدرامية، حكاية تحت الحزام من مسلسل حدث بالفعل، مؤكدة أن العمل مقتبس من أحداث حقيقية، وأن الشخصية الحقيقية ما زالت على قيد الحياة حتى الآن.

وقالت غادة عبد الرازق في لقائها مع الإعلامية غادة عبد الرازق في برنامجها معكم، المذاع عبر شاشة قناة ON: المسلسل مكانش 3 حلقات هما كانوا 2، وقعدت مع المؤلف وكان في حاجات لازم تبان، وقولتلهم خلاص نعمل 3 حلقات مع إني كنت اتفقت خلاص، واللي حببني في الموضوع ده إن علياء دكتور نفسية بتعالج الناس ومحدش تخيل إنها ممكن تكون مريضة.

وتابعت: جبنا قصة مسلسل تحت الحزام من دكتور نفسي والشخصية لسة عايشة لغاية دلوقتي، واللي حصل في المسلسل هو اللي حصل بالتفصيل في الحقيقة، والوحيد اللي يعرف ده الدكتور النفسي ومقدرش يبلغ عنها، ولسة لغاية دلوقتي عايشة مع ابنها وحفيدها، وهي مش مصرية.

وأضافت غادة عبد الرازق أنها تعاطفت نفسيًا مع شخصيتها في حكاية تحت الحزام، قائلة: أنا لو جه حد قالي هاخد روتانا وأسافر هطفشه، وعمري ما أوصل في حياتي لحتة الجريمة، ولكن صعبة عليا الشخصية في مسلسل تحت الحزام إنها اتكسرت لأن حياتها كلها ابنها، ولازم الست اللي بتاخد ابن وحيد لازم تفكر في الأم، ولازم على قد ما أديكي حب تديني حب إنتي كمان.

كما تحدثت غادة عبد الرازق، عن شخصيتها في مسلسل حكاية حياة، قائلة: شخصيتي في مسلسل حكاية حياة دي كانت قريبة حد قريب مني جدًا وكانت دكتور بشرية، وكانت زي ما طلعت في المسلسل بالضبط، والتاريخ العائلي بتاعهم فيه الشكل ده من الأمراض النفسية، ومن كتر ما مثلت الأمراض النفسية بقيت خبرة.