شاهد في قضية مقتل ”كهربائي شبرا”: ضربوا بطلقتين خرطوش

استمعت جهات التحقيق بنيابة شبرا الخيمة لأقوال أحد الشهود في واقعة مقتل الشاب في قضية مقتل الشاب مصطفى مسيل، كهربائي، بسلاح ناري، بعدة طلقات في البطن والرجل، على يد «عادل. م. ح» 27 عامًا «صاحب جراج»، و«أحمد. ح. م»، 23 عامًا «عامل»، أثناء تدخل المجني عليه لمحاولة فضّ مشاجرة بين المتهم وشخص آخر، باعترافات تفصيلية أمام جهات التحقيق، وجرى إحالتها إلى محكمة جنايات شبرا الخيمة.

ضربوا بطلقتين خرطوش
وبعد أستيفاء التحقيقات حصلت "الأيام" على نص أقوال "حازم ا ف ع" صاحب الـ33 (صاحب مصنع ملابس) أحد الشهود في القضية التي حملت رقم 7260 لسنة 2022 جنايات شبرا الخيمة، والمقيدة برقم 1539 لسنة 2022 كلي جنوب بنها:

س/ ما لما تفصيلات شهادتك؟

ج/ اللي حصل انة يوم 18مارس 2022 كنت موجود في الشغل بتاعي فوق مسجد الهوانم سمعت صوت ضرب نار ببص لقيت خمسة افراد واقفين بجانب بعض ببص لقيت واحد معاة طبنجة وواحد معاة فانا نزلت الشارع لقيت اللي معاة طبنجة بیشتم وعرفت اسمة بعد كدة هو اللي اسمه عادل ولقيت اللي كان معاه وعرفت اسمة بعد كدة معاة فرد وسعتها لقيت عادل دة ضرب طلقة على رجل "مصطفى" (المجني عليه) وفاجئة وقعوا في الأرض مع بعض وسعتها سمعت صوت طلقة ثانية وبعدها لقيت اللي مصطفى بعد عن عادل وهما في الارض ولقيت المتهم الثاني ضرب طلقة على رجل مصطفى خرطوش اسمة عادل ده وقف وضرب طلقة ثانية في اتجاة مصطفى وبعد كدة لقيت عادل مسك دماغ مصطفى وكان اللي اسمة "احمد ا" معا الفرد وبعدها مشيو ناحية شارع ٢٥ ومصطفى مرمى في الارض وكان سعتها ناس واقفة شالو مصطفى وودة المستشفى وعرفت انه مات دة كل اللي حصل

س/ متى وأين حدث ذلك؟

ج/ الكلام دة حصل يوم الجمعة الموافق يوم 18مارس 2022 بشارع ٢٥ اما م المصنع بتاعي فوق جامع الهوانم.

س/ما الذي شاهدته؟

ج/ انا سمعت صوت ضرب نار فبصيت من الشباك بتاع المصنع لقيت عدد 5 افراد واقفين وفي حد في ايده سلاح نارى وبيضرب نار.