دينا الشربيني عن فيلم أصحاب ولا أعز: مش من حق حد يجرح منى زكى

أكدت الفنانة دينا الشربيني، أن فيلم "أصحاب ولا أعز" أعجبها للغاية وترفض فكرة التجريح التي تعرضت لها النجمة منى زكى، قائلة: "أنا هقبل النقد من ناقد دارس ودي مهنته ووقتها على عيني ورأسي وهتعلم منه، وهشوف حاجة ممكن مش شيفاها إنما فكرة التجريح مرفوضة".

ووجهت الفنانة دينا الشربيني، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، رسالة لمنتقدي فيلم "أصحاب ولا أعز"، قائلة: "مش من حق حد يجرح ومتقبلش حد يعمل معاك كده، والفيلم عجبني ونفسي الناس تحب بعض والغلط والصح له معايير مختلفة وياريت نخلي الكلمة متجرحش حد".

وعن موقفها من أدواء الاغراء والجريئة، ردت: "مش بحب أضايق حد ولكن فى حاجة نفسي الناس تفهمها الممثل بيمثل شخصية مش هو، ولو فى دور بيتمثل حاجات موجودة في الحياة، والناس دائما بتربط بين اللي بيحصل فى الشاشة والحقيقة، وفى حاجات جت لي ممكن تكون جريئة بالنسبة لي ورفضها".