”صوابع ايده علمت على وشي وحرق لبسي”.. عصام الحضري يكشف تفاصيل ”علقة” ساخنة من والده

اعترف عصام الحضري مدرب حراس مرمى منتخب مصر، بأن والده حرق ملابسه عندما كان صغيرا، بسبب رفضه فكرة احتراف كرة القدم، إذ كان يفضل أن يدرس فقط.

وأضاف الحضري، خلال حواره مع الإعلامية بسمة وهبة، مقدمة برنامج "العرافة"، على قناة "المحور": "والدتي دارت عليّ، وكان عندنا بلكونة بنط منها عشان ألعب كورة، وبعدها كنت بغسل اللبس في الترعة وأطلع أعصره وأنط من الشباك كأن مفيش حاجة حصلت".

وتابع: "والدي عرف، وحرق اللبس قدام عيني، والدموع نزلت من عيني، ومرة تانية كنت بلعب في دورة رمضانية، ورجعت متأخر من دمياط لكفر بطيخ 7 كم جري، مكنش في مواصلات ولا ماديات، وأمي مكنتش بتديني فلوس عشان كانت عارفة إني هلعب كورة، ولما رجعت اتضربت علقة، ايده كانت طرشة وأصابع يده كانت معلمة على وشي، وحرق لبسي".