شيرين رضا : ”نفسي احلق شعري ”زيرو” ودموعي مش قريبة ولا حتى في التمثيل”
أكدت النجمة شيرين رضا، استعدادها لحلاقة شعرها مثل ما فعلت المطربة شيرين عبد الوهاب بعد أزمة انفصالها، قائلة: "نفسي اجيب شعري زيرو وقصت شعري قبل كده ونفسي اقصه من غير أن اتعرض لصدمة أو غيره من الظروف".
ووجهت الفنانة شيرين رضا، رسالة إلى شيرين عبد الوهاب، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، قائلة: "شيرين انتي جامدة ولازم تجمدي أكثر وفكري في نفسك وبناتك وجمهورك وأصحابك وكل ازمة بتعدي، ومش كل حد وحش، وانتهاء الحياة الزوجية لا يعنى انتهاء الحياة عموما".
وأشارت الفنانة شيرين رضا، إلى أنها ليست من أصحاب الدموع القريبة أو ليست سريعة البكاء، متابعة: "دموعي مش قريبة ومفيش اي حاجة بتخليني اعيط ولا حتى في التمثيل، والعياط مش بيرجع أي حاجة تاني ولا عيطي على بابا اللي بحبه هيرجع تاني".
