منة عرفة تكشف تفاصيل طلاقها ومحاولة انتحارها وكواليس أزمتها مع محمد نجاتى
كشفت النجمة الشابة منة عرفة أسباب طلاقها من محمود المهدى، ومحاولة انتحارها، بسبب المشاكل التى تعرضت لها مؤخرا.
وقالت، فى تصريحات تليفزيونية، إن الانفصال كان قرارها وطليقها محمود المهدى، متابعة: "الموضوع بينا مبقاش حب ورومانسية زى الأول، فجأة الدنيا بقت مشاكل كتير، وأطراف تتدخل وناس تتكلم".
واستطردت منة عرفة: "الناس بتخش تحاكمنى، وتقولى انتى موقفتيش مع جوزك"، موجهة كلامها للمنتقدين: "إنتوا متعرفوش حاجة.. إنتوا بتوصلوا الناس لتفكير مش حلو"، متابعة: "الناس لا تعرف كواليس ما يحدث لى فى حياتى الخاصة، ولا يعرفون شعورى بالاكتئاب، ولجوئى إلى مضادات الاكتئاب، بل وتفكيرى فى الانتحار".
وأكدت منة عرفة أن زميلها الفنان محمد نجاتى شخص تحترمه، معقبة: "إحنا كبرنا مع بعض، لأننا من زمان بنشتغل مع بعض".
وتابعت: "كنا بنصور فى اللوكيشن، ومساعدة المخرج قالت محمد نجاتى هيخش وهو شايلك، فرديت وقولت لأ أنا مش حابة أعمل لقطة زى دى".
وتابعت: "قالتالى إزاى ده المشهد اللى قبله هتكونوا جايين من الطرقة وهو شايلك، فرديت وقولت ومين قالك إن المشهد ده كمان هيحصل"، مؤكدة أنها لم يكن لديها علم بهذا المشهد وتفاجأت به، مختتمة: "محمد نجاتى وافق على كلامى، والمخرج كمان معترضتش".
اقرأ أيضاً
