رحلة قاتلة والدتها ببورسعيد من مسرح الجريمة لطبلية عشماوي.. بعد تأييد إعدامها

أسدلت محكمة جنايات بورسعيد، أمس السبت، الستار علي أولى محطات قضية نوهان خليل فتاة بورسعيد، المتهمة بقتل والدتها السيدة داليا الحوشي، بعد صدور رأي المفتي الشرعي بتأييد حكم الإعدام شنقًا الصادر من المحكمة.

حيث نالت فتاة بورسعيد «نورهان خليل» قاتلة أمها السيدة داليا الحوشي، بمعاونة عشيقها الطفل«حسين» الذي لم يتجاوز عمره 15 عامًا عقابها الذي تستحقه بصدور حكم من محكمة جنايات بورسعيد بإعدامها شنقَا جزاءً لما اقترفته يداها، بمعاونة عشيقها الطفل حسين.

جريمة قاتلة والدتها ببورسعيد

تفاصيل تلك القضية البشعة بدأت في منتصف شهر ديسمبر الماضي، وتحديدًا في يوم 14 من ديسمبر العام الماضي، عندما خططت المتهمة بمساعدة عشيقها الطفل لقتل أمها بعد اكتشافها العلاقة الغير شرعية بينهما، فخططا للتخلص منها، عن طريق عصا خشبية مُثبَّت فيها مسامير، ومطرقةٍ وماءٍ مغلًى وسكينٍ وكأسٍ زجاجيّةٍ مكسورةوتسديد طعنات قالتة لها وسكب الماء المغلي علي وجهها.

تخطيط لإرتكاب جريمة قاتلة والدتها ببورسعيد
يوم الجريمة فتحت المتهمة «نورهان خليل» باب المنزل للمتهم عشيقها للدخول خِلسةً أثناء نوم والدتها المجني عليها، فظفرا بها وقتلاها، ثم سرقا هاتفها المحمول وحاولا إخفاء آثار الجريمة.

وعن تفاصيل ارتكاب الجريمة قالت قاتلة أمها ببورسعيد، إن عشيقها الطفل يوم الجريمة ظهر تحت المنزل، وطلبت منه الصعود، ثم طلب منها تسخين مياه له، كي يكبها على وجهها، ثم فتحت له الباب ودخل وكان معاه خشبة فيها مسامير وشاكوش وأول ما دخل قالي مامتك فين قولتله نايمة في الأوضة بتاعتها اللى جنب الحمام.

وتابعت« دخل فتح لقاها نايمة وراح داخل جوه الأوضة والنور كان مطفى وأنا كنت على باب الأوضة وراح ضربها بالعصاية على دماغها جامد فراحت صاحية وحاولت تجري راح شدها من الأوضة وطالع بيها على الطرقة اللى جنب الحمام وقعد عليها وقالي هي فين المية السخنة فأنا جبتهاله وكانت في حلة وراح كبها عليها كلها فقعدت تصوت جامد وهى تحته وهو قاعد فوقها وراح قايلي جيبي حاجة قزاز علشان اعورها بيها وانا جبتله سعتها سكينة قديمة من عندنا اللى هى مضبوطة ديه فراح سيبها على السرير.

« وقالي لا انا عاوز حاجة قزاز ديه مش هتعمل حاجة وسعتها راح مقومها ومدخلها الحمام وراح مطلع الشاكوش وضربها بيه كذا ضربة كثير بس أنا معرفش كام ضربة وبعدها قالي فين الإزاز اللى قولتلك عليه فروحت داخلة المطبخ وجبت الكاس اللى اتعرض عليه النهارده في النيابة وعطتهوله وكل ده وهى في الحمام وبعد كده راح كاسر الكاس وراح مدخلها وحطها جوه على السرير اللى في الأوضة بتاعتها وحاولت تقاومه راح موقعها على الأرض فأنا دخلت قعدتها تاني على السرير ووقفت في النص ما بينهم، بقت مامتي الله يرحمها على السرير وهو حسين ورايه فقالتلي حوشيه عني وكانت سعتها بتترجاني اني انا اخد الكاس من ايده ومرداش وقالي احنا لازم نخلص عليها علشان متفضحنيش وتبلغ عني، فلما الجرس رن بتاع الباب رن كتير قفل الباب وقالي اطلعي ومتفتحيش الباب وانا طلعت ومسحت الدم اللى كان على الأرض بمياه وفضلت اغسل فيها ومرضتيش افتح وبعد كده حاولت ادخل الأوضة مرداش يدخلني لغاية ما الأوضة اتفتحت ودخلت لقيت ماما واقعة على الارض وهو مغطيها فبقوله حصل ايه قالي ماتت وانا خلصت عليها وقولتله ورهاني فقالي لا".»

ممثل النيابة الفتاة جاحدة وخائنة لأسرتها
وخلال المحاكمة قال ممثل النيابة العامة إن المتهمة «فتاة حية جاحدة وخائنة لأسرتها، أظهرت كبرا شيطانيا وسيطرت على المتهم الثاني - صغير السن - المنساق وراء شهواته فخططا سويا لجريمتهما ونفذاها».

وخلال الجلسة الماضية قررت محكمة جنايات بورسعيد، برئاسة المستشار برئاسة المستشار السيد عبد العزيز، وعضوية المستشارين أحمد علي جنينة، وعماد أبو الحسن عبد اللاه، وأشرف عبيد علي، وسكرتارية إسماعيل عوكل، إحالة أوراق نورهان خليل، المتهمة بقتل والدتها بمساعدة عشيقها في بورسعيد إلى مفتي الجمهورية، وأصدرت حكمها اليوم بمعاقبة المتهمة بالأعدام شنقًا.

مصير الطفل المتهم بقتل سيدة بورسعيد
أما المتهم الثاني بالقضية، فقررت النيابة العامة إحالة طفلٍ متهمٍ -لم يتجاوز سنُّه خمس عشرة سنة- إلى محكمة الطفل المختصة إعمالًا لنصوص مواد قانون الطفل

وبعد تداول القضية بمحكمة الطفل قضت محكمة جنايات الأحداث في بورسعيد، في 15 يناير الماضي بمعاقبة الطفل بإيداعه في مؤسسة عقابية "دار رعاية".