صديق نورهان يكشف مفاجأة في قضية مشرفة عمال بورسعيد

تواصل "قضية رأي عام"، في نشر نص الاعترافات في قضية مقتل مشرفة عمال بورسعيد داليا الحوشي على يد سمكري بمساعدة ابنتها نورهان خليل عقب كشفها علاقتهما غير الشرعية خشية افتضاح أمرهما.

وكشف المتهم حسين صديق ابنة المجني عليها في اعترافاته، قائلا: "نورهان ضربت أمها بالشاكوش اللي جبته معايا على راسها من ورا خبطتين جامدين بعدما كنت أنا خلصت ضرب بالزجاجة في رقبتها، وتأكدت من موتها بعد الضربات اللي ضربناها أنا ونورهان دهست على بطنها لقيتها مش بتطلع نفس ولا حركة ورقبتها مفتوحة وبتجيب دم كتير".

وأضاف: "بعد كده لفيناها بالملاية الحمرا اللي نورهان جابتها من أوضتها وحاولنا نشيلها وننزل بيها برة البيت، لكن كانت تقيلة وماعرفناش فسيبناها في الأوضة زي ما هي وبعد كده أنا ونورهان خدنا المخدة كلها وملاية السرير والفوطة والشاكوش والسكينة والكأس المكسور والعصاية ونضارة مامتها علشان جه عليها دم وحطناهم في كيس أسود كبير من بتاع الزبالة ونورهان إديتني موبايلين بتاعها وبتاع مامتها حطيتهم في جيبي ونورهان كلمت أحمد أخوها وقالتله إن في رقم غريب كلمها وقالها إن مامتها وقعت فالشارع وخدوها على مستشفى بورفؤاد وطلبت من أخواتها يروحوا يشوفوا أمهم فالمستشفى وهي هتحصلهم".

وكانت محكمة جنايات الطفل في بورسعيد قضت، بإيداع الطفل المتهم في دار رعاية، لاتهامه بقتل سيدة بمساعدة ابنتها في حي الفيروز ببورسعيد.

وقضت محكمة جنايات بورسعيد، برئاسة المستشار السيد عبد العزيز، وعضوية المستشارين: أحمد على جنينة، وعماد أبو الحسن عبداللاه، وأشرف عبيد علي، أمس السبت، بإحالة أوراق قضية الطالبة المتهمة بقتل والدتها بالتعاون مع عشيقها الطفل في محافظة بورسعيد إلى فضيلة المفتي وتحديد جلسة 18 فبراير المقبل للنطق بالحكم.