جمال شعبان يعلق على وفاة محامي شبرا الخيمة بسبب فوز الأرجنتين بكاس العالم

علق الدكتور جمال شعبان العميد السابق لمعهد القلب القومي، على وفاة شاب يدعى "مصطفى"، يبلغ من العمر 26 عامًا، يعمل محاميًا، بعد تعرضه لـ أزمة قلبية بعد فوز منتخب الأرجنتين على نظيره الفرنسي والتتويج بـ كأس العالم، قائلًا: "زي ما الزعل الشديد بيكسر القلب ويتسبب في السكتة القلبية والموت المفاجئ، كمان الفرح الشديد، ممكن يعمل سكتة قلبية".

وكتب الدكتور جمال شعبان عبر صفحته بالفيس بوك: “شاب ٢٦ سنة لسه في بداية حياته محامي من شبرا الخيمة اسمه مصطفى عبد العال عبد الوهاب مات امبارح بعد الماتش بساعتين حصلت له أزمة قلبية من الفرحة بسبب شدة فرحته بحصول ميسي على كأس العالم يا ريت الشباب والناس كلهم يتعلموا من الموقف ده”.

وتابع: “إن مفيش أي حاجة فالدنيا تستاهل المبالغة في الزعل أو المبالغة في في الفرحة لذلك ربنا في قرآنه بيقول لا تفرح إن الله لا يحب الفرحين وقال لكيلا تأسوا علي ما فاتكم ولا تفرحوا بما آتاكم، وامبارح أنا كتبت مش قلت لكم المونديال فيه خطر كبير على القلب ما تزعلوش ربنا يرحمك يا مصطفى ويسامحك ويسكنك فسيح جناته ويصبر أهلك وكل حبايبك على فراقك، النهارده أول ليلة له في القبر يا ريت تدعوا له”.