• الرئيسية
• فن

أعلن المخرج محمد سامي، عن أحدث أعماله الدرامية والذي يحمل اسم "رد كليتي"، مؤكدًا أنه سيكون الأعلى مشاهدة والأكثر جدلًا في مشواره الفني.

رد كليتي.. أحدث أعمال المخرج محمد سامي

وكتب محمد سامي، عبر صفحته على موقع التواصل الاجتماعي فيسبوك» قال:« رد كليتي للمخرج محمد سامى بسم الله ، بكتب مسلسل جديد ، سيكون بأمر الله الأهم في مسيرتي الفنية و الأعلي مشاهدة وجدل ،حكاية جديدة لم يتم تناولها من قبل في أي عمل فني سواء عالمي أو محلي».

وواصل:« هصور إمتي و مين الأبطال و هينزل إمتى !! ، كل ده معرفهوش لسه ولا فبالي ، اللي أعرفه أنه سيكون أرقي و أميز أعمالي و سيكون عمل يحترمه و يقدره كل بيت عربي

وأضاف محمد سامي:« إدعولي يخلص بنفس القوة اللي بدأ معايا بيها ،اللي مفرحني في العمل ده ، إني كنت بحاول ألاقي معادلة صعبة جدا بالنسبالى و هي إزاي العمل الجماهيري النهاردة بمتطلبات السوق يكون فني بحت زي أعمال كتير إتقدمت زمان من أساتذتنا».

وتابع:« إزاي أقدر أخد موضوع يهم المجتمع لقوة الجذب اللي إعتادها الجمهور العربي مني و ماتبقاش مشاهداته محدودة أو نخبوي مع إحترامي لمحبي الأعمال النخبوية و إزاي أغير تماما عن كل حاجة قدمتها و أعمل بنصيحة الأستاذ طارق الشناوي و هي التغيير قبل تشبع الجمهور و الحمد لله لقيت ده في مشروعي الجديد، الله الموفق ويكمل إن شاء الله على خير».