• الرئيسية
• رياضة

شن الإعلامي خالد الغندور هجومًا لاذعًا على أحمد فتوح لاعب فريق الزمالك، وذلك بعد خروجه من معسكر الفريق المغلق للسفر إلى الساحل الشمالي لحضور حفل غنائي رفقة إمام عاشور لاعب الأهلي.

وقال خالد الغندور في بث مباشر عبر حسابه الرسمي بموقع التواصل الاجتماعي "فيسبوك": "اللي عمله فتوح بيعكس غياب كامل للانضباط، ومش أول مرة يتصرف بشكل يضر نفسه والنادي معاه".

وأضاف: "فتوح اتعرض لمحنة كبيرة قبل كده لما حصل حادث في الساحل الشمالي، واللي يخرج من محنة زي دي، كان لازم يعيد حساباته، لكن واضح إنه متعلمش، ولسه عايش بنفس الأسلوب المستهتر".

وواصل: "معاه فرصة عظيمة، بيلعب في نادي كبير، وبياخد فلوس وشهرة، لكن مش مدرك حجم النعمة اللي هو فيها، إزاي تبقى واخد إجازة طويلة، ولما يبدأ المعسكر تقول إن عندك ظرف عائلي وعمك عيان، وتطلع بعدها تسهر في حفلة في الساحل؟! ده اسمه استهتار وعدم احترام".

واختتم خالد الغندور حديثه، قائلًا: "وجهه نظري الشخصية إن الغرامة مش كفاية، وإيقاف المستحقات مش كفاية، لازم صدمة حقيقية ليه وأنا من رأيي يتعرض للبيع، لأنه واضح إنه مش ناوي يتغير ومفيش منه أمل".