«بعد اقتراب زيزو».. شيكابالا: «اتمرنت في الأهلي ومعايا تيشيرت أبيض»
تحدث محمود عبدالرازق شيكابالا، قائد الزمالك، عن كواليس توقيعه في الأهلي، بعد عودته من رحلة الاحتراف في الدوري اليوناني.
وقال محمود عبدالرازق شيكابالا عبر بودكاست مع أحمد حسام ميدو، عضو لجنة التخطيط بنادي الزمالك: «لما رجعت من اليونان مين في مصر ساعتها يقدر يدفع فلوس؟ الزمالك والأهلي».
وأضاف: «الزمالك 5 مرات يجبوني النادي ويقفلوا تليفوناتهم محدش يقابلني، وكنا ساعتها الـ13 في الدوري، أوصل النادي محدش يقابلني، 5 مرات».
وأكمل: «كنت هبطل كورة، والناحية التانية كل يوم (الأهلي) احنا عايزينك، روحت قعدت معاهم واتكلمنا».
وتابع: «إحساسي؟ أول مرة روحت أتمرن في الأهلي بالليل، فتحولي الملعب بالليل، كنت جايب تيشيرت أبيض. أنا مش هنا، وعدلي القيعي كان قاعد معايا قولتله لو الزمالك جاب جول وأنا في دكة الأهلي هقوم، قالي لا لما تيجي الأهلي هتحب الأهلي».
وتأتي تصريحات شيكابالا بشأن توقيعه للأهلي، بعد قرب انتقال زميله في الزمالك، أحمد سيد زيزو، من الانضمام إلى الأهلي، في صفقة انتقال حر، بعد عدم التوصل لاتفاق على تجديد التعاقد في القلعة البيضاء.
