انفراد وحصري.. أقوال المتهم بقتل طفل طفل شبرا الخيمة أمام النيابة

كشف قاتل صغير شبرا الخيمة بالتحقيقات أمام النيابة العامة، تفاصيل مثيرة في واقعة قتل أحمد المعروف بطفل شبرا، بعد أن استدرجه لشقة سكنية وقتله، وذلك تنفيذا لطلب شخص مصري مقيم بالكويت تعرف عليه بموقع الدارك ويب الخاص بتجارة الأعضاء البشرية، باختيار أحد الأطفال لسرقة أعضائه البشرية مقابل مبلغ خمسة ملايين جنيه.

وينفرد موقع قضية رأي عام، نص تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال قاتل صغير شبرا الخيمة كالآتي:

اللي حصل، إني من 11 سنة سبت البيت واتمرمط في الشوارع من مكان لمكان، ومكنتش لاقي حتة أقعد فيها، وفي شهر سبتمبر من العام 2023 اتعرفت على واحد اسمه محمد عزت وشهرته أبو حمزة، عن طريق صفحة على فيسبوك بتاعته اسمها سلمى، وهو سمسار أعضاء بشرية بيوفق المتبرعين والمرضى مقابل مبالغ مالية، فقالي إني ممكن أبيع كليتي مقابل 170 ألف جنيه - مائة وسبعين ألف جنيه، وبالفعل جابني بيته في شارع الحبيبي بشبرا الخيمة ثاني، ونزلني أشتغل في قهوة العديني في شهر أكتوبر، لحد ما عملت عملية استئصال الكلية اليسرى في المستشفى الجوي التخصصي، وبعت كليتي مقابل المبلغ المذكور، أخدتهم من أهل المريض في كافيتيريا المستشفى، وروحت.

قاتل صغير شبرا: بعت كليتي وعرضت كبدي للبيع.. وقالولي أجيب طفل من 7 إلى 18 سنة

وأضاف المتهم بقتل صغير شبرا الخيمة: في شهر يناير 2024، خالد العديني مشاني من الشغل عشان شديت معاه في الكلام عشان طريقته سيئة جدًا معايا، وقعدت في البيت اللي استأجرته في حارة البستان - شبرا الخيمة أول، وفرشته كويس بس الفلوس بدأت تخلص بعد ما بعت كليتي، فدخلت على صفحات الفيسبوك بتاعة التبرع بالأعضاء ودونت بيانات المرضى والمتبرعين عشان أحاول أوفق بين الحالات، بس معرفتش عشان سكتها كانت صعبة، فأنا عملت منشور على الصفحات بصفحتي الشخصية عرضت فيه فص كبد من عندي ولقيت واحد اسمه علي خالد تواصل معايا على رسائل الخاص، وقالي إن فيه مشروع أحسن من التبرع، إني أجيب طفل من 7 إلى 18 سنة، وشرط يكون رفيع مش تخين، وآخد منه عينات هتتباع بملايين