«أمهات مصر» تكشف كيفية قضاء الطلاب أول يوم رمضان.. وأجندتهم لباقي الشهر

"رمضان كريم.. طمنونا وقولولنا يوم الأولاد بيمر إزاي في رمضان ما بين الصيام والمذاكرة ومتابعة المسلسلات"، منشور وجهته عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، إلى أولياء أمور الطلاب، علي صفحة الإتحاد والإئتلاف في الفيسبوك.

وانهالت التعليقات من جانب أولياء الأمور، حيث قالت ولي أمر: "أولا: كل عام وأنتن بخير، ثانيا: على طول معوده ولادي أول يوم رمضان أو العيد فقط إجازه تامه من أي مذاكره وبعد كده بنقسم وقتنا عادي على طول اليوم بمعدل 4 ساعات اتنين صباحا واتنين بعد الفطار لأن اهم حاجه هو الكيف وليس الكم".

وأضافت ولي أمر أخري: "كل عام وأنتم بخير وسعادة وعافية، لسه أول يوم فر، بعد كده فى الغالب بنذاكر قبل الفطار، ما عدا طبعا بنوتى اللى عندها ثانوية عامة، ربنا معاها ومع كل الطلبة يارب العالمين".

وتابعت أخري: "كل عام وأنتم بخير، أولا مافيش مسلسلات، ثانيا بتذاكر الخفيف قبل الفطار ، وبعد الفطار علي الساعه ٨.٣٠ كده نبدأ في المواد الثقيله، ووحده ووحده كله هيبقي تمام وربنا ييسر الحال".