حكايات حلمي بكر مش راضية تنتهي .. فيديو جديد يكشف أسرار خطيرة عن عائلة

حكايات حلمي بكر مش راضية تنتهي ولسه هنشوف حاجات كتير اووي بالرغم من ان فى ناس كتير كانوا فى حياة حلمى بكر ومحدش سمع منهم حتى كلمة عنه أو نعى أو حضور مراسم الجنازة وتعزية الأسرة وكتير منهم فنانات كبار وكانوا زوجات لحلمى بكر فى يوم من الايام .

اخر حكاية عن الموسيقار الكبير لما طلعت نهى مجدي طليقة أبن أخت حلمي بكر، في فيديو، نشرته عبر صفحاتها علي السوشيال ميديا وكشفت، سبب المأساة اللي بتعيش فيها هى وبناتها بسبب حماتها، وقالت أنها بتضهدها بشكل كبير وتظلمها بسبب مشاكل أسرية.

وحكت نهى مجدي، مأساتها وقالت: أنا مخضوضة من اللي شايفاه من الناس، أنا نهى مجدي أول مطلقة تستغيث بالسوشيال ميديا للحصول على حق بناتها، وكانت قضية رأي عام من 5 سنين، والقضية ضد أبو بناتي وحماتي اللي هي جدتهم، أنا شوفت منكم ظلم وافترى كتير.. يا رب يكون ده وقتكم الحقيقي لكشف ستره عنكم، وتظهروا على حقيقتكم، وحكمة ربنا إني أقع معاكم ووالدي ووالدتي وأخويا متوفيين عشان أحس أني عادي في أي وقت أتكلم عادي، أنتو بتقولوا في عزاء حلمي بكر لما جت سيرتي، الدور عليها وعلى عيالها، الدور علينا إنكم تطلعونا من الشقة زي ما باعتين بتهددونا من شهر؟.

وأضافت قائلة: غير انكم كنتوا بتضحكوا وبتهزروا في العزا، أنتو بتتوعدوا للي جاي، طب أنتو هتستفيدوا إيه لما تطلعوا بناتي من الشقة، أتقي الله في عافيتك وفي أولادك، بقالنا 12 سنة متطلقين وكذا مرة طليقي يحاول يرجع لي وأنتِ ترفضي، بس إيه ذنب بناتي، مين هيربيهم؟.