26 فبراير 2024 01:07 15 شعبان 1445
قضية رأي عام
رئيس مجلس الإدارة هشام ابراهيم رئيس التحرير محمد صلاح
شكاوي المواطنين

بالتفاصيل.. استغاثة من زوجة مواطن للنائب العام.. انقذوا زوجي

قضية رأي عام

ورد لباب شكاوي المواطنين بموقع قضية رأي عام، من زوجة المواطن "محمود" تستغيث بالنائب العام ووزير الداخلية.

وجائت نص الشكوى كالتالي: " محمود رجع بيته لقي تنفيذ الاحكام بتاخده في قضية محكوم عليها غيابي بـ ٢٥ سنة و كان فاكر انها تشابهه أسماء
لكن الوضع طلع غير كدة الاسماء مكتوبة للإسم الخماسي و رقم البطاقة و العنوان و تاريخ الميلاد و مؤهله و دوره في القضية انه قام بتشكيل عصابي من ١٧ فرد و هو علي رأسهم و قام بجلب ٦ طن و نص من مخدر الحشيش لمصر .
و ان الحكم صادر من ٢٠٢٢ غيابي و القضية من ٣-٢٠١٩.

و ان القضية ملخصها ان مركب نزلت بهدف الصيد عليها ١١ فرد راحت الحدود السورية رجعت ب ٦ و نص طنت مخدر الحشيش و اتمسكت في المياة الاقليمية .

ال ١١ فرد محدش فيهم عارف محمود و دة بناءا علي استجوابهم في النيابة و تحريات الضابط بردوا اللي قال ان المتهم الاول و التاني اتفقوا مع التالت و الرابع يجيبوا مجموعة لإتمام العملية المجموعة غير معلومة للأول و التاني اللي هم الممولين و حتي التالت و الرابع اللي المفروض اتعاملوا مع الممولين هربانين و محدش مسكهم يعني مفيش حد معترف عليه ابدا .

عملنا إعادة اجراءات و المحكمة طلبت شهادة تحركات لمحمود و ذمة مالية و اثبات انه ملهوش اي جنسيات اخر و الحمد لله بعد ٩ شهور شهادة التحركات طلعت انه ملهوش تحركات كمصري و مفيش جنسيات غير المصرية و الزمة المالية بصفر يعني معندوش تمن البضاعة اللي هي مليار و ٧٠٣ مليون.

بجانب انه كان واخد بلوك بنك مركزي بسبب قرض كان واخده 20الف جنية لإتمام زواجه في 10-2018 و باسبوره صادر بعد الوقعة ب ٨ شهور و ابيض

و من شروط الجلب انه يكون سافر او حول الفلوس و طبعا المبالغ دة متتحولش ولا هو سافر .

كلام الضابط انه بيشتغل بالاستيراد و التصدير و دة طبعا محصلش ولا يعرف عنها حاجة ولا لية ورق خاص بالاستيراد و التصدير نهائي

القاضي طلب استجواب الضباط اللي عملوا التحريات كان ردهم لا اتذكر في معظم الاسئلة اللي اتوجهتلهم عن ما ان محمود هو دة اللي قاموا بمراقبته ولا لاء و انهم بيلتزموا بأقولهم في محضر التحريات و تم إستدعائهم مرتين اول مرة كانوا الاتنين و كان في ضابط منهم مفصوم من الخدمة من 2020 و التاني استدعي مرتين و كان رده في اول مرة ان محمود المعني بالتحريات و المرة التانية لا اتذاكر ما اذا كنت راقبت ولا لاء و التقيت بشخصه ولا لاء يعني اقوال متضاربة و مفيش دليل واحد او فعل او اثبات او حتي مراقبة او مكالمة او محادثة تدينه رغم انهم ذكروا ان تحريتهم كانت 20يوم للتأكد من معلومات مصادرهم السرية و قاموا بالمراقبة مرة واحدة كانت في قهوة في العصافرة لأشخاص أخري من ضمن التشكيل العصابي و لم يتم ذكر محمود فيها ولا حتي الضباط سمعوا مضمون الكلام بنهم لإنهم كانوا بيتأكدوا من التقاء الاشخاص فقط .

بجانب ان محمود محامي و مقيد في النقابة من ٢٠١٦ و لم يذكر اصلا انه محامي و المفروض ان الدخلية بتتيح للضابط جميع الصلاحيات للتتحري عن المتهم و المصدر السري اللي يجيب اسم خماسي و تاريخ ميلاد يقدر يجيب انه محامي من ٢٠١٦ و دة دليل ان البيانات مأخوذة من بطاقة لا غير

في اخر٢٠١٩ بطاقة محمود ضاعت عمل مذكرة فقد و عمل واحدة جديدة فيها انه متزوج و عنوانه علي بيته في سيدي بشر و متمش القبض عليه مع ان في متهم في القضية كان منتحل شخصية متوفي و لما راح الاحوال المدنية يجدد البطاقة اتقبض عليه لان عرفوا بصماته طيب لية متقبضش علي محمود مع ان الوضع واحد

محمود مواطن عادي كان بيروح يصيف محدش بيبقي هربان من قضية زي دة و عارف و يروح يعدي علي كماين شرم الشيخ و الغردقة اللي معروفة انها غلسة و كماين كتير

محمود مطلع كذا فيش و اخرهم في ٢٠٢٣ و مجدد كارنيهات النقابة من ٢٠١٩ ل ٢٠٢٣ و بيطلب فيها فيش و شهادة تحركات بنته اتولدت في ٢٠٢١ و اتسجلت كل دة كنتوا فين و كان رد الضابط انه منشغل بالمأموريات .

بطاقته الضريبية الخاصة بشغله كمحامي تاريخ بدأ النشاط 2016 و عملها علي عنوان بيته

رخصة القيادة بتاعته صادرة بتاريخ17-9- 2020 وسارية حتي الان و محدش وقفه في اي كمين ولا حد قاله عليك قضية
وثق شهادة تخرجه من وزارة الخارجية 23-11-2022
يعني واحد لا كان هربان ولا واخد الحيطة و الحذر زي ما اقوال الضباط ولا حتي زور ورق عشان ينتحل شخصية حد تاني و يعيش عادي زي ما في متهمين في القضية ما عملوا

ابراهيم كانون متهم كان واخد 25سنة غيابي و معترف عليه 4 متهمين عليه و عمل إعادة إجراءات و طلع براءة عشان مفيش دليل مادي عليه طيب ما الوضع واحد محمود مفيش دليل مادي عليه مش ممسوك متلبس ولا حتي معترف عليه حد ولا حتي مذكور في التحريات بدليل مادي واحد .

القاضي يتغير قبل الجلسة ب 15يوم و يجي القاضي الجديد يصدق علي الحكم 25سنة و يتم تنفيذ الحكم

هل الموضوع ميستحقش واقفة اننا نعيد المحاكمة و نتأكد من براءته

محمود اتاخد من الدار للنار محدش حقق معاه متعرضش نيابة و مدافعش عن نفسه

دة جزء من مضمون تفاصيل كتير حصلت في القضية و انتهت بحكم ٢٥ سنة علي شاب ملهوش زمب ولا يملك تمن الشحنة ابدا و حرمانه من بنته.

محمود كان ضابط جيش احتياطي ٤ سنوات حتي ١٠-٢٠١٧ مشهود له بالأمانه و السمعة الطيبة و الإجتهاد
و من ٢-٢٠١٨ اشتغل في قنصلية فرنسا حتي ١-٢٠١٩ و من ١-٢٠١٩حتي ١٨-٣-٢٠٢٣ اشتغل بجانب المحاماه بوظيفة hr مواقع بشركة الغرابلي للمقاولات و اواخر عمله ٢٠٢٢ حتي ٢٠٢٣ كان بيشتغل في موقع تطوير ميناء ابو قير العسكري و كان بيطلعله تصريح أمني إسبوعي و محدش جاه اخده ولا كان بيبان انه عليه قضية من ٢٠١٩ و محكوم فيها غيابي ٢٠٢٢ مكنش هيطلعله التصريح ولا هيدخل شغله

استغاثة شكاوي المواطنين النائب العام

أسعار العملات

العملة شراء بيع
دولار أمريكى 30.8414 30.9386
يورو 33.6233 33.7416
جنيه إسترلينى 39.3136 39.4498
فرنك سويسرى 35.7085 35.8376
100 ين يابانى 20.9592 21.0295
ريال سعودى 8.2237 8.2501
دينار كويتى 100.2745 100.6231
درهم اماراتى 8.3959 8.4246
اليوان الصينى 4.3105 4.3268

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 4,314 شراء 4,371
عيار 22 بيع 3,955 شراء 4,007
عيار 21 بيع 3,775 شراء 3,825
عيار 18 بيع 3,236 شراء 3,279
الاونصة بيع 134,174 شراء 135,951
الجنيه الذهب بيع 30,200 شراء 30,600
الكيلو بيع 4,314,286 شراء 4,371,429
سعر الذهب بمحلات الصاغة تختلف بين منطقة وأخرى

مواقيت الصلاة

الإثنين 01:07 صـ
15 شعبان 1445 هـ 26 فبراير 2024 م
مصر
الفجر 04:58
الشروق 06:25
الظهر 12:08
العصر 15:24
المغرب 17:51
العشاء 19:08

استطلاع الرأي