شيرين عبد الوهاب تكشف عن شروطها لزواج ابنتيها

كشفت الفنانة شيرين عبد الوهاب عن شروطها للموافقة على زواج ابنتيها.

وخلال لقائها في برنامج "كاربول كاريوكي بالعربي" من تقديم هشام الهويش ويعرض عبر تليفزيون دبي قالت شيرين عبد الوهاب أن أول شروطها أن تعيش ابنتها بجوارها، موضحة "ميخدهاش بعيد عني تفضل جنبي".

وأضافت لتستكمل شروطها: "زي ما هخليها تراعي ربنا فيه هو كمان يراعي ربنا فيها، ميمدش إيده عليها أبدا، ميهنهاش ميخوفهاش، يعاملها أنها بنته".

وخلال اللقاء تحدثت شيرين عبد الوهاب عن اعتزازها بأسلوب حياتها البسيط قبل الشهرة، ورفضها التعامل مع جمهورها كنجمة قائلة: "شيرين هي شيرين قبل الشهرة، نفس طريقتي في الكلام وأسلوبي، متغيرتش ومش لابسة قناع النجومية للناس".

وأضافت: "أنا زي ما أنا، أخلص شغلي وأقعد على الأرض آكل براحتي، سواء عند الأمير أو عند الغفير".

وردا على سؤال هل كانت تفضل البعد عن متاعب الشهرة، قالت: "أكيد، لكن إحنا بنتكلم عن الجانب السيئ من الشهرة، لكن الجانب الحلو ومحبة الناس ميتعوضش بكنوز الأرض".

وتابعت: "أنا كنت مش جاهزة للشهرة وعلشان كده ممكن أخرف كتير، ودكتوري النفسي بيقول إنت عاملة زي مؤسسة كبيرة جدا يديرها فرد واحد".