ميار الببلاوي تكشف تفاصيل جديدة عن قضية وفاء مكي بعد 23 عام

ظهرت ميار الببلاوي مع الإعلامية ريهام سعيد ببرنامج «صبايا الشمس» وتحدثت عن تفاصيل جديدة وعلاقتها ببحبس وفاء مكي بتهمة تعذيب خادمتين.

قالت ميار الببلاوي تفاصيل خاصة بشأن حبس وفاء مكي بتهمة تعذيب الخادمتين «فجأة لقيت وفاء مكي منزلة في الجرايد يا ميار قولي كلمة الحق، كل كلمة بقولهالك بالـ details، الحمدلله إن ربنا مد في عمري عشان أقول الكلام ده ولو مت بكرة أنا معنديش مشكلة».

وأضافت «فعلا الموضوع ده كان تاعبني جدا جدا،عارفة يعني ايه حد بيغرق وانتي حتى ممكن تكوني القشاية اللي ممكن تتعلق فيها وانتي مربوطة، وقولت لجوزي أن هروح اتكلم أنا شوفت بعيني إن البنات كانو كويسيين».

واستكملت ميار الببلاوي « أنا شوفت وفاء بتتخانق مع مدير الإنتاج عشان جابلها الأكل بتاعها قبل المساعدة وبهدلته وقالتله أنت فاكر ايه كلنا ولاد تسعة وكانت نجمة ساعتها، وقعدت ألإكر هل اللي بتتخانق دي عشان مساعدتها ممكن تحرقها وتبهدلها».

ظهرت وفاء مكي مع الإعلامية أميرة بدر، تبكي بشدة قائلة عن ميار الببلاوي «هي خايفة على ابنها وانا مش خايفة على ابني! عارفة لو من 5 أو شهور من ساعة ما بعت الاستغاثة قالت الحقيقة يمكن كانت فرقت، الله يسامحها».

وأكدت الفنانة هند عاكف عبر مداخلة هاتفية لها أن ميار الببلاوي أخبرتها بأن لديها دليل براءة وفاء مكي، وأكدت أيضا وفاء مكي أن ميار خشيت من الاعتراف لأنها تلقت تهديدا عنيفا بإنهاء حياة ابنها.

أما عن أثار حروق الخادمتين فكشفت وفاء مكي أن والدهم كان يحرهم ويحرق جسمهم لكي يبتزني.