حمو بيكا يُهاجم عمر كمال وحسن شاكوش في العرافة

شن مغني المهرجانات حمو بيكا هجوما واسعا على كل من الفنان عمر كمال والفنان حسن شاكوش مشيرا إلى أنه ساعدهم في بداية مشوارهم الفني وتنكروا لفضله.

وخلال لقائه مع برنامج "العرافة" الذي تقدمه الإعلامية بسمة وهبة قال حمو بيكا "أنا ساعدتهم ووقفت جنبهم وكلهم باعوني عشان أنا أهبل وحظي وحش وأستاهل، وكانوا بياخدوا 400 جنيه دلوقتي بياخدوا 40 و50 ألف بسببي.

وأضاف حمو بيكا "أنا مؤدي والأغاني بتاعتي بتكسب مشاهدات عالية، أنا مابعرفش أقرأ ولا أكتب بس أنا أسرع من عمر كمال وحمو بيكا في إني أغني ولما بييجوا يقفوا على المايك ويغنوا معايا بيبقى الأداء بتاعي أحسن وأسرع وحسن شاكوش شراني.

من ناحية أخرى، أكد حمو بيكا ان زفاف حسن شاكوش لم تكلف 4 ملاين كما يدعي وإنما هذه كانت كذبة من أجل التريند ولكنه تكلف 300 ألف جنيه

أكد مطرب مهرجانات حمو بيكا، أن حفل زفاف مطرب مهرجانات حسن شاكوش لم يتكلف 4 مليون كما ادعى، مشيرًا إلى أن الأخير كذب من أجل ركوب التريند.

وأضاف حمو بيكا : أنا وقفت في فرح حسن شاكوش للآخر، وهو بيقول كل الناس مخدتش فلوس بس الله أعلم محدش يعرف حاجة، أومال هو صرف الـ 4 مليون على إيه، وفي مطربين خدوا منه فلوس لكن الفنان تامر حسني مخدش فلوس وهو شخص طيب.

وتابع حمو بيكا: حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل.