تامر حسني يرد على هجوم أحمد آدم: التريند جنن عقول الناس

رد الفنان تامر حسني عبر حسابه الشخصي على موقع الصور الشهير "انستجرام" على الهجوم الذي تعرض له من الفنان أحمد آدم خلال برنامج الأخير "آدم شو" والذي يعرض على قناة الحياة.

ونشر تامر حسني مقطع فيديو لأحمد آدم وهو يتحدث عن أفلامه وعلق عليه قائلا: "استاذ احمد آدم فعلًا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم لمجرد إن الناس تعرفهم أو تتكلم عليهم ولو ليوم واحد ونسيوا أنه لا يصح إلا الصحيح عشان ده عدل ربنا".

وتابع: "اي افاقين مع الوقت هتلاقيهم بيختفوا والمحترم الحقيقي هو اللي بيستمر اصل لما نهتم ونرد على كل كداب امال اللي بيحبونا نعمل معاهم ايه؟ تابعوا قلوب الناس والمواقع اللي هتاخد كلام الاستاذ احمد السلبي وينشروه، وعلموا عليهم عشان تعرفوا حقيقتهم … والحقيقه ان فعلًا الكلام السلبي هو اللي انتشر، شكرًا استاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه واخلاقه".

وكان الفنان أحمد آدم هاجم تامر حسني من خلال برنامجه "آدم شو" المذاع على شاشة قناة الحياة قائلا: "تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره".

وتابع: "بيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشة جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟".

فى سياق آخر، تحدث المطرب تامر حسني مؤخرا عن كواليس تعاونه مع الفنان العالمي سنوب دوج في ديو “ سي السيد” والذي طرح عام منذ 9 سنوات علي موقع “يوتيوب” كما تحدث أيضًا عن تعاونه مع المطرب العالمي “شاجي” في أغنية “smile”.

وقال تامر حسني من خلال أحد البرامج التليفزيونية: "حينما تعاونت مع شاجي وسنوب دوج وإيكون نجحت في أني أجعلهم يتحدثون ويغنون باللهجة العربية وعادي إن يكون في تبادل ثقافات.