بسبب 20 جنيه.. القصة الكاملة لضحية لعبة الـ«بلايستيشن» في شبرا الخيمة

"هو حتة من قلبي، هو كل حياتي، هو سندي الوحيد في الدنيا بعد ما أبوه توفى، وجعلي قلبي وهتجنن عليه".. بهذه الكلمات بدأت أم المجني عليه "خالد عبد الله" داخل منطقة شبرا الخيمة ترصد لنا تفاصيل مقتل خالد علي يد صديقة "أحمد خانكة" بسبب الرهان علي 20 جنيه في لعبة "بلاي ستيشن" إبنى عمره 18 سنة و5 شهور، يوم الجريمة على الساعة 11.20 مات "خالد" فى 6 دقايق، وماتت معه فرحتي وأملي فيه.

"اللي ضربني أحمد وشهرته خانكة"، كانت الحروف الأخيرة التي نطق بها المجني عليه داخل المستشفى قبل أن يلتقط أنفاسه الأخيرة، عندما استجوبه الفريق الطبي خلال محاولتهم إسعافه، التي أبلغت الشرطة باستقبال جثمان الشاب "خالد عبد الله" مصاب بعدة إصابات بالأيدي والصدر، وتوفي متأثرا بإصابته.

تتابع والدة خالد وهى فى حالة من الإنهيار والدموع التي تتساقط من عينها وصوتها الشاحب ووجها الذي تظهر عليه علامات عدم استياعبها لوفاة ابنها علي يد صديقة قائلة: صحابه كانوا بيقولوا أنهم كانوا بيلعبوا مع بعض "بلاي ستيشن" واتفقوا اللي هيخسر هيدفع 20 جنيه، وابني كسبه لكن هو صمم إنه يدفع الفلوس فقاله لا مش هدفع.

استكملت الأم حديثها، المتهم كان مرتب لابنى من 10 أيام من بعد أخر مرة حصلت بينهم مشكلة، ولما شافة علي أول الشارع بعت له 2 من صحابة حاطين "كابات" علي وشيهم واستغلوا ال5 دقايق اللي كان نازل يجيب فيهم حاجة، وخدوه عند الجراج بتاعه، وضربوه بالمطواة وقطعوله شراينه وذبحوه في رقبته، كان شايل له المطواه ومجهز إنه يقتله بسبب العشرين جنيه، وأطلق عليه كلب من كلابه عشان يخوفه بيه.

وفي حالة انهيار أضافت الأم: "ابني كان هو اللي بيصرف عليا، كان هو اللي باقي ليا بعد وفاة والده منذ 3 سنوات، كان يخرج من دراسته ويعمل في أحد المطاعم من أجل توفير احتياجاتي وشراء علاج لمرضي.. أنا بطالب بعودة حقه وتوقيع أقصى العقوبة على المتهم".