• الرئيسية
• شئون المرآة

وحشتينى .. وحشتينى
وحشتينى وباندهلك ماتسمعنيش
ومهما لاموني على حزنى
يا حتة منى مابالومكيش
بعدتى بعيد عن الأنظار
لكن عن قلبى مابعدتيش
يعذبني فراقك عنى
لكن غصب عنى أعيش
أعيش على ذكرى مرة ضحكنا
لحد ما دمعت عينى
ولما أحتاج فى يوم أشكى
تسيبى الدنيا وتجينى
و كنا بالساعات نحكي
وصوتك كان يقويني
فاكرة اما كنت باتشاقى
و من ماما تخبينى
و لما كنا نتلاقى
وتجرى عشان تضمينى
أنا دلوقتى مشتاقة
أنادي عليكى وتجينى
تخصمينى.. تصالحينى
و عن غلطى تردينى
أنا مشتاقة ياما حاجات
سابتنى لما سيبتينى
وحشتينى
عشان خاطرى تجاوبينى
مع أحزانى ماتسيبينيش
وحشتينى .. وباندهلك
ماتسمعنيش
و مهما لامونى على حزنى
يا حتة منى مابالومكيش
بعدتى بعيد عن الأنظار
لكن عن قلبى مابعدتيش
يعذبنى فراقك عنى
و لازم غصب عني أعيش
لازم غصب عنى أعيش
لأول مرة باتكلم
و أول مرة ماترديش
وحشتينى