• الرئيسية
• السوشيال

سمر نديم عبر صفحتها الشخصية على الفيسبوك عن سحب إدارة دار زهرة مصر

انا عشت اصعب فترة في حياتى بحاول أتعافى من بُعد الاحبّة عنى ، بحاول اتعايش ، الحب هايفضل جوة قلبى مهما بعدوا الاحبّة عنى ، اللى حصلى كان صعب ودخلت فى شبة جلطة ، خوفت يحصلى حاجة خوفت اعيش عاجزة ، قررت اقوم واعافر واشتغل وابدأ حياة جديدة وابدأ من جديد ، بحاول وهحاول ابقي كويسة واكمل مشوارى ، وهدفي ورسالتى اللى دخلت قلوب ناس كتير ناس حقيقة ناس تعرف معنى الحب والانسانية ، بدون مصلحة

للعلم الصورة دى من فترة بسيطة ، ومن بعدها قررت اقوم واقف على رجلى واكمل عشان خاطر بيتى واولادى وامى والناس اللى بتحبنى ومستنيانى ، انا هنا معاكم وربنا يقدرنى اكون قدوة حسنة لغيرى ، ادعولى اوى استحمل بعد الاحبّة لأنهم وحشونى ووحشوا قلبى وروحى ، اصل اللى بنا مكانش عادى عشنا اجمل ايام حياتنا ما بين حب ورحمة وجبر خاطر وانسانية وطبطة ولمة حلوة وضحكة حلوة وحاجات لا تعد ولا تحصى حب الى ما لا نهاية ، هتفضلوا في قلبي لحد ما نتقابل يوم الموقف العظيم بحبكم في الله