• الرئيسية
• حوادث

كشفت التحقيقات في واقعة مقتل 3 صغار ووالدتهم بمنطقة اللبيني فيصل على يد آخر في القضية المعروفة إعلاميًا بـ جريمة اللبيني، تفاصيل الواقعة.

أقوال والد ضحايا جريمة فيصل

وحصل القاهرة 24 على نص التحقيقات وجاءت أقوال والد الضحايا أمام جهات التحقيق كالآتي:

س: متى أول مناسبة تركت فيها زوجتك مسكن الزوجية؟

ج: في نص شهر.

س: وما سبب ترك زوجتك للمنزل آنذاك؟

ج: والله معرفش هو كل اللى حصل إنها بقيت مش عايزاني وبتهجرني وبتقوللي طلقني على طول وأنا معرفش ليه.

س: وإلى أين كانت وجهة زوجتك عقب تركها لمسكن الزوجية؟

ج: كانت بتروح بيت أمها اللي في شبرا الخيمة.

س: وما تصرفك تجاه هجر زوجتك لمسكن الزوجية في تلك المناسبة؟

ج: روحت واتكلمت مع عمها وقولتله على اللى حصل وإنى أنا مش عارف هي ليه بتعمل كدا فهو اتكلم معاها وصالحنا على بعض وقاللي خلاص إنها هترجع البيت وفعلًا أخوها رجعها البيت تاني يوم على طول.

س: وكيف كانت العلاقة فيما بينكما عقب عودة زوجتك لمسكن الزوجية؟

ج: برده من أول ما رجعت وهي فضلت زي ما هي ومش عايزاني وعلى طول هجراني وفضلت كدا لحد ما سابت البيت تاني ومشيت.

س: ومتى تركت زوجتك مسكن الزوجية في المناسبة الثانية؟

ج: هي لما رجعت أول مرة قعدت في البيت حوالي أسبوع وسابت البيت تاني ومشيت.

س: وما سبب هجرها لمسكن الزوجية في تلك المناسبة؟

ج: أنا مش عارف هي زى ما قولت اتحولت عليا وبقيت علطول مش طيقاني

س: وإلى أين كانت وجهة زوجتك عقب تركها لمسكن الزوجية في تلك المناسبة؟

ج: راحت برده بيت أمها وفضلت المرادي قاعدة كثير في بيت أمها.

س: وما المدة التي مكثت زوجتك خلالها بمسكن والدتها تلك المناسبة؟

ج: المرة دي قعدت كثير ممكن حوالي شهر وساعتها لقيت رقم غريب كلمني وادعى إن مراتي بتخوني.

س: وكيف كان التواصل بينك وبين زوجتك خلال تلك الفترة؟

ج: أنا كنت عمال أحاول أكلمها عشان أعرف مالها وأرجعها بس هي مكانتش موافقة في الأول خالص

غير الطريقه وضيف ليها تفاصيل القضيه والاحاله