معاشي 600 جنيه.. نجوى فؤاد تستغيث بـ وزير الثقافة: «مش عايزة أعيش في دار مسنين»
استغاثت الفنانة نجوى فؤاد بوزير الثقافة الدكتور أحمد فؤاد هنو، وذلك لمرورها بأزمة صحية أجبرتها على عدم ممارسة عملها، والتوقف عن المشاركة في أعمال فنية بسبب وضعها الصحي، وهو ما أدى إلى مرورها بأزمة مالية، بسبب تكاليف علاجها.
ووجهت نجوى فؤاد رسالة لوزير الثقافة، خلال تصريحات تلفزيونية حيث قالت: «اهتموا بينا شوية إحنا الجيل اللي خد ملاليم مش ملايين، ودخلنا معروف عايزين نعيش عيشة آدمية حلوة».
وتابعت نجوى فؤاد: «أنا مش عايزة أعيش في دار مسنين، انا ساكنة في بيت إيجار، ومعنديش بيوت تمليك ولا محلات قفلاها، والعلاج بقى غالي، وكشف الدكاترة بقى نار، والعيشة صعبة انتبه لينا شوية، دي حاجة انا مشوفتهاش في حياتي».
واستكملت نجوى فؤاد حديثها: «ببحث عن مشروع صغير لأن معاشي 600 جنيه في الشهر، دول ميجيبوش عيش، هدور على حاجة اشتغلها، قضيت عمري كله في المشوار الفني، مع الناس اللي حبتني هسعى على شغل واللي يدور يلاقي، والأعمار بيد الله محدش عارف عمره إمتى».