• الرئيسية
• اخبار مصر

قال والد ياسين ابني ياسين الحمد لله بخير وعندي ثقة في القانون والقضاء أن حق الولد هيرجع وأنا ووالدته كلنا ثقة في نزاهة القضاء المصري، ابني ياسين الحمد لله دلوقتي كويس وشغالين معاه على جانب الدعم النفسي عشان يتحسن ويتخطى اللي حصله، الجلسة اتأجلت ومفيش جديد ربنا يقدم اللي فيه الخير وينصرنا.

وأوضح: من أول السنة الولد متقيد في مدرسة بس مرحش ولا يوم فيها إحنا سجلنا اسمه بس عشان السنة متضيعش عليه بس هو مراحش فعليا، وعندي ثقة كبيرة في قضاء بلدي ومتأكد أن القانون هيجيب حق ابننا وبالنسبة لتواصل أهل المتهم معانا مفيش بينا أي تواصل، وتواصلنا بس مع المحامي المختص بالقضية.

وتابع: الحقيقة أن الموقف مش سهل علينا وحساس جدًا وأنا وأسرتي مش بنحب الظهور أو الكلام على السوشيال ميديا إطلاقا ونتمنى أن الناس متنزلش شائعات على الفيسبوك متعلقة بالموضوع وتقدر موقفنا.

وقد قضت محكمة إيتاي البارود بمحافظة البحيرة بتأجيل الاستئناف المقدم من دفاع المتهم في قضية التعدي على ياسين تلميذ مدرسة الكرمة بدمنهور، على الحكم عليه بالمؤبد لجلسة 21 يوليو المقبل، فيما لا يزال الطفل ياسين يتلقى الدعم النفسي والمعنوي خلال الفترة الحالية وتنتظر الأسرة تنفيذ الحكم على المتهم بثقة ويقين في نزاهة القضاء المصري لاستعادة حق نجلها.