• الرئيسية
• شئون عربية

شارك أحمد مشعل، كابتن طيار في مصر الطيران، لحظات غلق المجال الجوي، بسبب الأحداث الاخيرة في المنطقة.

وكتب أحمد مشعل عبر حسابه على فيسبوك:

كنت في الجو في اللحظة اللي المجال الجوي حوالينا كله بيقفل…

الطائرات القطرية مش عارفة تتواصل مع شركتها، ومفيش مطارات بديلة،

والسعودية بدأت تقلل استقبال الطائرات لأن الوضع عندهم مش أحسن كتير.

وفجأة… مصر بتبلغ الطيارين القطريين:

“يا فندم، يا كابتن… اتفضل عندنا.

شرم الشيخ، الأقصر، أسوان، الغردقة…

أي مطار تحب، مصر فاتحة أبوابها.”

والله العظيم في اللحظة دي حسّيت يعني إيه كلمة “أمان” بجد،

يعني إيه تبقى طاير في عز أزمة ومطمن،

علشان بلدك موجودة، بلدك قادرة، بلدك فاتحة حضنها ليك ولغيرك.

أنا كنت في الجو، معايا ركاب، ومعايا طيارة،

وفي لحظة الليل والضغط وعدم اليقين…

عارف إن بلدي موجودة… ومطاراتها منورة…

وربنا حاميها!

نعمة كبيرة لازم نحمد ربنا عليها كل يوم