أول ظهور للبلوجر لولا فاني بعد دفن جثمان طليقها: ضياء مامتش بالسحر ده قضاء ربنا
نشرت البلوجر لولا فاني في أول ظهور لها عبر فيديو على صفحتها الرسمية عبر فيسبوك: صفحات كبيرة وعليها متابعين كتير بتهبد، بيقولوا إن ضياء مات بسبب السحر أو الحسد، لأ دا قضاء ربنا واتكتب عليه يموت في اليوم ده، مهما كان مكانه.
وأضافت خلال الفيديو: محدش يتكلم عن ضياء نصف كلمة، ده راجل في دار الحق، أنا مسامحاه ومش زعلانة منه، ولا زعلانة من أسرته، هو دلوقتي توفي وخلاص، صفحات كبيرة بتكذب وبيقول إنه كان بيتصل بـ مراته تحت الأنقاض، مافيش الكلام دا، فيه ناس طلعوا أحياء، لكن هو ربنا أراد إنه يطلع ميت.
واختتمت الفيديو، قائلة: ربنا يرحمه ويغفر له ويسامحه ومش عايزين أي حاجة غير إنكم تدعوا له، بلاش كذب الصفحات اللي عايزة تتطلع تريند على أي حاجة، اكتفوا بالدعاء له وماتهبدوش، وكذلك جاء تعليق البلوجر لولا فاني على مُروجي شائعات وفاة طليقها بسبب السحر الذي تداول عنها من قبل خلال صفحات التواصل الاجتماعي.
ويُذكر أنه في واقعة أثارت جدلًا واسعًا على مواقع التواصل الاجتماعي، نشرت البلوجر لولا فاني، ليلة أمس، صورة سيلفي مؤثّرة أمام ثلاجة الموتى وهي ترتدي ملابس سوداء، أثناء وداعها لجثمان طليقها ضياء مصطفى، بعد انتشاله من تحت ركام عقار انهار بمنطقة حدائق القبة بالقاهرة، ما أثار هجومًا واسعًا عليها من قبل مُتابعي منصات السوشيال ميديا.