25 مايو 2024 17:40 17 ذو القعدة 1445
قضية رأي عام
رئيس مجلس الإدارة هشام ابراهيم رئيس التحرير محمد صلاح
حوادث

ننشر اعترافات المتهمين في واقعة قتل جواهرجي بولاق أبو العلا

قضية رأي عام

كشفت التحقيقات تفاصيل جددية حول واقعة مقتل حسني الخناجري جواهرجي بولاق أبو العلا، وسرقة مشغولات ذهبية تمثلت في 5 غوايش، و6 سبائك ذهبية، و7 جنيهات ذهب، و4 خواتم، و4 سلسة، و3 انسيالات، ومبلغ مالي.

وجاءت أقوال أحد المتهمين في واقعة مقتل حسني الخناجري جواهرجي بولاق أبو العلا وهي شقيقة المتهم الأول وتدعى فادية. م. ح، 45 سنة، وبسؤالها متى حضر إليكِ يوم الموافق 2024/2/26؟ أجابت: هو جالي الساعة 9 مساء أو بعد كدة.

س وما هي الحالة التي كان عليها؟
ج هو كان طبيعي.

س/ وهل كان بحوزته ثمة أسلحة أو أدوات؟
ج هو كان جاي عادي معاه الشنطة الرصاصي.

اقرأ أيضاً

س / ألم يخبرك ما محتويات تلك الحقيبة؟
ج / لا.

س وهل تجاذبتما أطراف الحديث أنداك؟
ج / أيوة.

س وما طبيعة الحوار الذي دار بينكما؟
ج هو قالي إنه مسافر أسوان وراح إداني دبلة وخاتم وقالي انزلي بيعيهم.

س وهل استجبتِ لطلبه؟
ج أيوة انا خدتهم منه.

س: ألم تستفسري منه عن مصدر تلك المشغولات الذهبية؟
ج هو قالي إن هما بتوع شريكه في الشغل حسن. ص ودول بتوع مراة حسن هيبيعهم عشان يجيبوا حاجات للشغل بتاعهم عشان هو بيشتغل في الأسانسيرات.

س: وهل بات لكي ذلك الأمر طبيعيًا حال كونك علي علم أنه يمر بظروف مادية سيئة؟
ج هي الشهور اللي فاتت دي كلها كان ربنا بيكرمه من شغل الاسانسيرات.

س: وكيف ذلك؟
ج: لأنه كان ابتدى يشتغل شوية، وكان بيجيله في اليوم 300 أو 200 أو 150 جنيها وكانت الدنيا ماشية معاه، وكان بياكل وبيشرب معانا فكانت مصاريف بس لسجايره، وكان بيصرف على المخدرات والشرب بس مش بيشرب على طول.

س: ألم يُثِرْ حفيظتك أنه فجأة تحصل على مشغولات ذهبية وطلب منك بيعها؟
ج: هو قالي إنها بتاعة مراة صاحبه وأنا صدقته.

س: وهل بعتِ تلك المشغولات الذهبية؟
ج: أيوة.

س: وما كيفية ذلك؟
ج: أنا توجهت إلى محل مدحت عشان هو عشرة أكثر من 30 سنة وأنا بتعامل معاه على طول وطلبت منه إنه يشتري مني الخاتم والدبلة.

س: هل سبق وأحضر إليكِ المتهم شقيقك محمد. ح. إ ثمة مشغولات ذهبية وطلب منك بيعها؟
ج: لا.

س: وما هي علاقتك بالمتهم مدحت. ح. م؟
ج: أنا بتعامل معاه على طول في موضوع الدهب بقالي أكثر من 30 سنة وبنشتري منه أنا وإخواتي.

س وما هي طبيعة ذلك التعامل؟
ج من واحنا عيال صغيرين كنا بنجيب دهب منه وبنبيع ليه وكنا ساعات بنحجز عنده الدهب اللي بننقيه وندفع بالتقسيط.

س: هل سبق وتعاملتِ معه في الآونة الأخيرة؟
ج: أيوة.

س وما تفاصيل ذلك التعامل؟
ج: آخر مرة أنا بعتله الدبلة والخاتم بتوع بنتي وقبليها في حاجات كتيرة أنا مش فاكراها بتعامل معاه فيها.

س: وهل كان ذلك التعامل المار بيانه يشتمل على فواتير؟
ج: أيوة.

س: وهل سبق وتعاملتِ معه بدون ثمة فواتير؟
ج: لا.

س: ألم يستفسر منكِ سالف الذكر عن مصدر تلك المشغولات الذهبية؟
ج: أيوة.

س: وما الذي قررتيه له؟
ج: أنا قولتله نفس الكلام اللي قالهولي محمد أخويا.

س: ألم يطلب منكِ ثمة فواتير تفيد ملكية تلك المشغولات الذهبية؟
ج: أيوة طلب.

س: وما الذي قررتِه له أنذاك؟
ج: قولتله مش معايا وإحنا محتاجينها ضروري عشان الشغل.

س: وهل ذلك مبرر بمثابة استلامه تلك المشغولات الذهبية دون سند ملكية وهو تاجر يعمل في ذلك المجال منذ أكثر
من ثلاثين عامًا وعلى علم تام بأهمية وجود الفواتير إبان عملية بيع وشراء مشغولات ذهبية؟
ج: عشان احنا فيه ثقة ما بينا.

س: وما مقدار المبلغ المالي الذي استلمتِه من سالف الذكر محل عملية البيع والشراء؟
ج: أنا استلمت منه مبلغ مالي 20 ألف جنيه.

س: وهل ثمة فواتير حررت بشأن عملية البيع والشراء تلك؟
ج: لا.

س: وإلى أين توجهتِ عقب ذلك؟
ج: أنا روحت البيت تاني.

س: وهل تقابلتِ مع المتهم شقيقك آنذاك؟
ج: أيوة.

س: وكيف بدأ ذلك اللقاء؟
ج: أنا قولتله على طول أنا بعت الحاجة واديته الفلوس راح هو مديني مبلغ مالي ألف وخمسمائة جنيه.

س: وما سبب إعطائه إياكِ ذلك المبلغ المالي المار بيانه؟
ج: عشان هو عايش معايا ولما ربنا بيكرمه بفلوس بيديني.

س وكيف انتهى ذلك اللقاء؟
ج هو خد هدومه ومشي وقالي إنه مسافر أسوان.

س وما هي الأدوات التي كان يحوزها إبان مغادرته.
ج كان واحد كوفر البدلة وكان فيه لبس وكان واخد الشنطة الرصاصي اللون.

س وما كانت محتويات تلك الحقيبة تحديدًا؟
ج معرفش.

س: وما هي ظروف تقابلك معه يوم الموافق ٢٢٠٢٤/٢/٢٧؟
ج: هو حوالي الساعة العاشرة مساءً فوجئت بيه بيخبط على الباب ودخل وقولتله أنت مش قولت إن أنت هتسافر قالي
أنا سافرت ورجعت في نفس اليوم، وبعدين دخل نام وعلى الساعة الثالثة صباحًا يوم الموافق الأربعاء الحكومة جت وقبضت علينا زي ما قولت.

س: ما هي الحالة التي كان عليها المتهم شقيقك إبان دلوفه إلى المنزل في ذلك اليوم؟
ج: أنا حسيت إن هو تعبان فقولتله مالك فقالي أنا دايخ، وأنا عارفة إنه بيشرب مخدرات وبيسكر، فممكن يكون ده السبب
فقولتله أجيبلك عصير فقالي هبعت أنا أجيب وفعلا بعت ابني الصغير وجابله عصير وشربه ونام.

س: ما هي الأدوات الذي كان يحوزها إبان دلوفه إلى المنزل؟
ج: هو كان معاه كوفر البدلة وحاطط فيه هدوم وكان معاه إزازة خمرة وهو ده كل اللي أنا شوفته.

س: الم تبصري بحوزته ثمة حقائب أو أكياس بلاستيكية؟
ج: لا.

س: ما مدى علمك بأن المشغولات الذهبية التي استلمتها هي من متحصلات جريمة قتل عمد ارتبطت بجنحة
سرقة وارتكبت بالفعل كغرض للجناية الأولى؟
ج: أنا معرفش حاجة عن الكلام ده.

بولاق ابو العلا جواهرجي بولاق جواهرجي بولاق أبو العلا جواهرجي بولاق أبو العلا حسني الخناجري وفاة حسني الخناجري جواهرجي بولاق أبو العلا بولاق مقتل جواهرجي شهير محل جواهرجي شهير سطو مسلح على محل جواهرجي شهير مقتل جواهرجي بولاق أبو العلا جريمة

أسعار العملات

العملة شراء بيع
دولار أمريكى 30.8414 30.9386
يورو 33.6233 33.7416
جنيه إسترلينى 39.3136 39.4498
فرنك سويسرى 35.7085 35.8376
100 ين يابانى 20.9592 21.0295
ريال سعودى 8.2237 8.2501
دينار كويتى 100.2745 100.6231
درهم اماراتى 8.3959 8.4246
اليوان الصينى 4.3105 4.3268

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 4,314 شراء 4,371
عيار 22 بيع 3,955 شراء 4,007
عيار 21 بيع 3,775 شراء 3,825
عيار 18 بيع 3,236 شراء 3,279
الاونصة بيع 134,174 شراء 135,951
الجنيه الذهب بيع 30,200 شراء 30,600
الكيلو بيع 4,314,286 شراء 4,371,429
سعر الذهب بمحلات الصاغة تختلف بين منطقة وأخرى

مواقيت الصلاة

السبت 05:40 مـ
17 ذو القعدة 1445 هـ 25 مايو 2024 م
مصر
الفجر 03:14
الشروق 04:56
الظهر 11:52
العصر 15:28
المغرب 18:48
العشاء 20:18

استطلاع الرأي