«أمهات مصر» تعرض آراء أولياء أمور الثانوية العامة في المواد الغير مضافة

"طلاب الثانوية العامة.. وصلتم لايه في المناهج؟ وعملتوا ايه في مذاكرة المواد الغير مضافة للمجموع؟"، منشور وجهته عبير أحمد، موسس إتحاد أمهات مصر للنهوض بالتعليم، وإئتلاف أولياء الأمور، إلي أولياء أمور طلاب الثانوية العامة دفعة 2024، علي صفحة الإتحاد والإئتلاف في الفيسبوك.

وانهالت التعليقات من جانب أولياء الأمور، حيث قالت ولي أمر: "بجد رجاء يرحمونا من استغلال المواد الغير مضافة للمجموع، كفاية علينا أعباء المواد الأساسية، نفسى اعرف الأستفادة منها ايه يخلوها على سنوات النقل ويرفعوا العبء عن الطالب فى الشهادة كفاية الضغط اللى هما فيه، فى سنة من السنين خلوها انها تتحل فى البيت يعنى فى قدرة على انها تتحل فى البيت ما يعملوا كدا كل سنة او تتعمل فيها أبحاث والوزارة عندها قدرة على كدا، ده حتى توفر وقت ومجهود وورق ونطلع بقى من الروتين بتاع امتحانات الثانوية اللى بقالوا سنين".

وأضافت ولي أمر أخري: "ياريت تصليح وتواجد مراوح فى ناس مريضه، وبيكون الجو حر"، وذكرت أخري: "المنهج خالص والمراجعات شغاله وربنا يقويهم ويجبر خطرهم".

وتابعت أخري: "المواد الغير مضافة عبء كبير على الطلبة وخاصة مادة الإقتصاد والإحصاء ياريت النظر فى إلغائها للسنوات القادمة وربنا يوفق كل أولادنا"، وعلقت أخري: "لازم يبقى فى حل للمواد غير المضافه وللاسف بتبقى سبب فى إعادة السنه للطلبه وحرمنهم من دخول دور تانى لو جايب مادتين وهى التالته للأسف".

وطالبت عبير أولياء أمور الطلاب بالتركيز مع أبنائهم في هذه الفترة المتبقية قبل إمتحانات الثانوية العامة، والبعد عن كل مايقلقهم ويشتت تركيزهم، وعدم إهمال ومذاكرة المواد الغير مضافة للمجموع حتي يتسني لهم النجاح والتوفيق .