طليق زوجة حسن شاكوش: ”أهلها طلبوا مني الطلاق بعد شهرين زواج”

كشف أحمد طليق زوجة مغني المهرجانات حسن شاكوش، عن مفاجأة بشأن ريم طارق طليقته، حول وقت انفصالهما عن بعض.

وقال طليق زوجة شاكوش، ببرنامج تفاصيل: "أهل ريم طارق أجبروني على الطلاق ومكنتش عايز أطلقها، ولما عرفت منهم تعبها، قولتلهم أنا هعالجها، وأصروا على الطلاق بعد شهرين زواج".

وتابع: "سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها، وكل اللي عايزه منهم دلوقتي انهم يتنازلوا عن القضايا اللي رفعوها ضدي".

وأضاف طليق زوجة حسن شاكوش: "أنا مكنتش بضربها، وعمري ما ممديت إيدي عليها، وكل مشكلة كنت بشتكي لوالدها، وكان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا وانفصلنا ومعرفش أنا مرفوع عليا قضايا ليه بعد الطلاق؟".

يذكر أنه، أثيرت الساعات الماضية أزمة كبيرة بين شاكوش وزوجته ريم طارق، وتبادل كل منهما الاتهامات في حق الآخر، وحرر كلا منهما محضرا ضد الآخر.

كما أن زواج حسن شاكوش وريم طارق لم يستمر حتى الآن سوى شهرين وبدأت المشاكل بينهما تظهر أمام الجميع.