• الرئيسية
• السوشيال

ظهر محمد مسعود الشهير بـ بوجي مُعبرًا عن سعادته الكبيرة بالدعم الذي تلقّاه عقب تصدره تريند منصات التواصل الاجتماعي بعد ظهوره في مقطع فيديو متداول روى فيه تفاصيل تعافيه من الإدمان وبيعه كليته بسبب هذه المعاناة، مؤكدًا أن ردود الفعل الإيجابية أعادت له الأمل في بداية جديدة.

وقال بوجي في أول تعليق له: جالي طلبات صداقة كتير والناس كلمتني مبسوطة بيا، وامبارح ماشي في الشارع والناس بتسلم عليا وبتقولي يا بطل، وأضاف: ستات ورجالة كلموني كانوا بيعيطوا من فرحتهم بيا.

ووجّه رسالة شكر لمتابعيه قائلًا: شكرًا لكل اللي كتب لي تعليقات إيجابية ودعمني، وادعولي بالثبات والرضا والرزق وربنا يخلي لي أمي.. ومش عايز حاجة تاني.

كما كشف بوجي أنه بدأ بالفعل في مساعدة آخرين للتخلص من الإدمان، موضحًا: كلمت مُدمنين من برا مصر ساعدتهم أنهم يبطلوا مُخدرات وهفضل جنبهم لحد ما يكونوا كويسين.

تداول مستخدمو مواقع التواصل الاجتماعي، حلقة من أحد البرامج عبر فيسبوك ظهر فيها شاب متعافٍ من المخدرات يتحدث عن بداية إدمانه والعوامل التي ساعدته على ذلك، وبيعه كليته مقابل المال اللازم لـ شراء المخدرات.

وقال الشاب المتعافي من الإدمان في الفيديو: الإدمان بهدل حياتي ومرة صحيت لقيت نفسي في منطقة تانية، وكنت مرمي في الشارع وبنام تحت الكوبري بهدوم مقطعة ومن غير ما ألبس حاجة في رجلي، كنت متشرد بمعنى أصح وحياتي ادمرت.

وأضاف: في مرة خطيبتي عرضت عليا أبيع كليتي عشان خاطر نتجوز، فأنا قولت هيبقى معايا فلوس كتير من الموضوع ده وبالفعل عملت تحاليل عشان أبيع كليتي ومحستش إني بعمل حاجة غلط، أو فيها مشكلة فاكر كويس جدًا الشخص اللي اتفق معايا واللي عملي العملية واتبرعت لها، بعت كليتي عشان أجيب مخدرات ولما فوقت من العملية كنت بصرخ من ألم رهيب وكل همي هجيب كمية قد إيه من المخدر بفلوس العملية، واستغلوا إني كنت مدمن وادوني حقن مسكنات بكمية كبيرة.