• الرئيسية
• السوشيال

كشف والد علياء قمرون في مداخلة سابقة بعد القبض عليها في المرة الاولي تفاصيل عن حياتها وتحولها لتيك توكر

حيث اوضح— الأب: أول حاجة عملتها علياء أنها تطلع يعني مثلا أديها تجيب تشتري طلبات. ماشي أديتها مثلا مبلغ معين "روحي يا علياء هاتي لنا كذا وكذا وكذا وكذا". البنت تأخرت تمام؟ ولما تجي أفاجأ بالصدفة كده بالصدفة، إني ألاقي معاها مثلا مبلغ. طب أنا جبتي فلوس منين يا علياء؟ تقولي لي "ده هي.. مش ده من المصروف بتاعك يا بابا؟ ده أنا بحوش." المصروف بتاعها أبو 10 جنيه والـ 5 جنيه تحوش منه مثلا 300، 400 جنيه، 500 جنيه. فلما ناس قابلوني قالوا لي "بنتك -استغفر الله العظيم- البنت بتتسول." أول ما عرفت إن هي بتتسول عاقبتها. لأ الأول عشان ما أظلمهاش وعشان ما أظلمش نفسي الأول بدأت أقول لها "يا علياء نعيش على قدنا، لازم يكون عندنا قناعة يا بنتي، لازم يكون عندنا عزة."

— المذيعة: عملت اللي عليك كأب يعني حاولت تنصحها بطريقة كويسة؟

— الأب: والله يا فندم.. كأب وأم كمان! ما هو أب وأم؛ أب النصيحة والحماية والإرشاد، وأم.. إيه، أنا حضرتك أنا كنت بغسل لها هدومها، ولؤاخذة أنا آسف يعني بسرح.. وبعد بقى ما هربت وأنت عرفت أنها بتتسول، قعدت أقول لها "يا علياء كده ما يصحش" وكده، قالت لي "خلاص يا بابا أنا أنا آسفة وما عشتش هعمل كده تاني"، والبنت عندها.. البنت على فكرة، علياء ذكية جداً جداً جداً فوق ما أنت متخيل! ما هو ده ذكاء خارق، بس هقول لحضرتك على حاجة، عند الجزئية المهمة زي ما هقول لحضرتك على حاجة، أنا هديلك صورة تشبهية كده؛ زي ما يكون واحد جايب الدرجات النهائية كلها في كل المواد، وجاي على مادة وجايب فيها صفر.

— المذيعة: مم.. المادة اللي جاي فيها صفر حضرتك؟

— الأب: الأخلاق! الأخلاق والقناعة والإحساس، وأنها تتعايش.. عُيِّشت أنها تبقى ممتنة لربنا ووالدها اللي عمل كل ده عشانها ورباها أم وأب. وأنا مش عايز شكراً، أنا مش عايز شكر منها، أنا آسف يعني ما فيش حد بيستنى من ابنه من ضناه أو بنته شكر، كل اللي منتظره من بنته أنه يشوفها قدام منه إنسانة محترمة رافعة راسه قدام المجتمع وقدام الناس.

— المذيعة: طيب، أنا عايزة.. أنا طبعا أنا آسفة إني أنا بقطع كتير، بس أنا عايزة أوصل لفكرة: أنت عرفت إنها بتتسول؟

— الأب: أيوة، بعد ما عرفت إن هي بتتسول وحاولت وعقبتها. المرة التانية الناس اللي بدأت تبلغني لما بدأت إن أنا أضيق عليها إنها ما تخرجش.. ما خلاص، التساول ده بيجي بايه؟ بأنها تخرج. بدأت إن هي تعمل مشاكل في البيت وتعمل حاجات يعني بدون ذكرها بقا هي الله.. معلش أنا يمكن ذكرتها في الأول عشان الناس ما يقولوش عليّ إني أنا إنسان متناقض أو إنسان.. لا حاشا لله في أي غلط! هي عملت حاجات ما يصحش إن أنا أقولها.

— المذيعة: ليه مش ما يصحش إن أنا أقولها؟

— الأب: عشان هي مقيدة الحرية، عشان هي مقيدة الحرية حتى لو هي خطأ -لا سمح الله كلنا- لأن المجتمع.. المجتمع وأنا وأهلي وأمها قاموا على الإنسانة اللي أصاب مني دي. البنت دي ضحية! أقسم بالله العلي العظيم علياء ضحية، وأول مرة إن أنا أقول الكلام ده.. أول مرة، أول مرة.

— المذيعة: برده إحساسك وقلبك كأب يعني هو اللي غالب عليك؟

— الأب: لا هو ضحية، هي حقيقةً هي ضحية؛ ضحية أهل ما وقفوش مع أبوها، ضحية أم رمتها وهي صغيرة، ضحية إن هي عاشت في بيت متوسط الحال وهي شايفه..

— المذيعة: لا.. معلش أنا آسفة، أنا ضد الكلمة دي! ناس كتير جداً متوسطي الحال وأقل وأقل وأقل بيشتغلوا على نفسهم، وممكن زي حضرتك أهو.. ما حضرتك مثال أب أهو، ما كنتش ضحية وما طلعتش.. يعني طلعت راجل محترم محافظ على دينه ومحافظ على قيمه. فالبني آدم مسؤول عن اختياراته، وهو ده اختبارنا في الحياة، ده اللي بيدخلنا جنة ونار، البني آدم مسؤول عن اختياراته!

— الأب: هي أخطأت يا مدام.

— المذيعة: طيب أنا عايزة أشكر.. أنا عايزة بس أوصل مع حضرتك لنقطة مهمة هي مضيقاني جداً: يعني إيه حبستك؟ حبستك إزاي؟

— الأب: حضرتك.. أنا راجل هاوي، أنا هوايتي صيد الطيور وفاتح بيتي من الهواية دي، وعندي لا مؤاخذة بندقية رش ضغط هواء ليست ممنوعة، ولو هي لها ترخيص أنا كنت على طول على الفور.. ضغط الهواء دي يا حضرتك اللي بيصطادوا بيها الطيور. فانا بصطاد طيور حضرتك وبنزل على نافذة التلة، وفي ناس من إسكندرية والقاهرة بياخدوا مني، لأني أنا حضرتك دي هواية عندي منذ الطفولة وأنا في الابتدائي. حتى لما دخلت الجيش حضرتك أنا كنت صياد.. قوات خاصة! أنا كنت قوات خاصة مصرية، تمام؟ ولو بعت صور لحضرتك في الجيش لو انتوا عايزينها أنا تحت أمركم عشان لو عايزين شهادة الجيش نفسها.

— المذيعة: طيب عملت إيه بقى؟ يعني هي بلغت عنك؟

— الأب: بلغت عني إن أنا بتاجر في الأسلحة الحية! راحت مكتب السلاح وبلغت عني. بس عايز أقولك على حاجة، أنا قضيت فترة عقوبة، يعني فترة استمرار 21 يوم حضرتك، وطلعت بكفالة، ولما نزلت الجلسة الحمد لله خدت براءة. وعايز أقولك عندنا إن القضاء عندنا -أقسم بالله العلي العظيم ما بجامل..

— المذيعة: طبعا.. عادل، طبعا.

— الأب: والله لا بجامل شرطة، أنا طبعي كده، ولا بجامل قانون ولا بجامل قضاء، أنا بقول كلمة حق لله: القانون عندنا أفضل قانون في العالم! أنا وقفت قدام القاضي أقسم بالله العلي العظيم وأنا واثق وعارف مليون في المية إن المتهم لابد إن هو يجيب محامي، حتى لو ما معاهوش بيوكل له محامي، أنا فاهم القانون ده.

— المذيعة: أيوة ده.. ده قانون طبعا. هي.. هي ثابت حضرتك في الحبس 21 يوم؟

— الأب: القاضي سمح لي.. القاضي سمح لي إن أنا أترفع عن نفسي، أنا أترفع عن نفسي زي ما بكلم حضرتك كده وأنا إحساسي بيقول [انتهى المقطع].