هختفي من حياة اللي أذوني.. حسن عبدالفتاح يثير الجدل برسالة غامضة
أثار الفنان حسن عبد الفتاح الجدل في الساعات الأخيرة بين متابعيه بعد نشره رسالة غامضة عبر حسابه على موقع التواصل الاجتماعي فيسبوك، كشف من خلال تعرضه للأذى من المقربين منه.
ونشر حسن عبدالفتاح صورة له معلقًا عليها: "زمان كنت بعاتب، وأتكلم، وأوضح، وأدي فرص كتير علشان الود يفضل موجود، كنت فاكر أن الناس لما تعرف إنها جرحتك هتحاول تصلح، ولما تعرف إنك زعلان هتهتم وتحتويك، لكن مع الوقت اتعلمت إن مش كل الناس بتفهم العتاب، ومش كل القلوب بتقدر قيمة اللي بيحافظ عليها، فيه ناس بتشوف طيبتك ضعف، وصبرك عادة، ووجودك شيء مضمون مهما عملوا، عشان كده بطلت أعاتب، مش علشان قلبي بقى قاسي، لكن علشان كرامتي بقت أغلى من أي نقاش مالوش فايدة".
وتابع: "بقيت لما ألاقي التقدير اختفى، والاهتمام قل، والمشاعر بقت من طرف واحد أمشي في هدوء، أنا مش بعاقب حد، لكن اختفائي أحيانًا بيكون أكبر رسالة ممكن تتقال. لأن اللي ما قدرش وجودك وأنت جنبه، هيعرف قيمتك لما يدور عليك وما يلاقيكش، أنا مبقتش أعاتب بقيت أختفي، أختفي من حياة اللي أذوني، وأكبر عقاب لأي حد خسر إنسان صادق، إنه يكتشف متأخر جدًا إنه فقد شخص كان بيحبه بصدق”.
