• الرئيسية
• حوادث

كشفت والدة فاطمة ياسر خليل عروس بورسعيد، تفاصيل إنهاء حياتها داخل منزل أسرة خطيبها، بالتزامن مع نظر ثاني جلسات محاكمة المتهمة بإنهاء حياتها.

مقتل فاطمة عروس بورسعيد

وقالت والدة عروس بورسعيد: يوم الواقعة كنا في منزل أسرة خطيب بنتي فاطمة، وبعدين كنت أنا وبنتي نايمين وجت شهد وكانت مصممة تاخدها من جنبي عشان تتمشى معاها، وبنتي قالتلها مرتين يا شهد أنا عاوزة أنام، لكن هي صممت وقالتلها هو أنتي جاية تنامي قومي تعالي نتمشى.

وأضافت: بعدها قولتلها خلاص يا فاطمة شهد فوقتنا هنقوم، لقيتها خدتها وراحت تتمشى بيها وأنا طلعت قعدت مع ستها، ووقت الواقعة لقيت شهد جاية عليا بتعيط جامد وبتقول إنها تعبانة، وستها قالتلها أطلعي أقعدي برا في الشمس، وبعدين كنت بدور على بنتي لحد ما لقيت محمود بيقول بطة ماتت.

وأكملت والدة عروس بورسعيد: طلعت الشقة اللي فوق لقيت بنتي نايمة بالطول على سرير وفاردة دراعتها الاتنين، وماسكة الموبايل في إيدها والإيد التانية ماسكة مرايا، ووشها كان وارم وكأن فيه نقط دم