• الرئيسية
• السوشيال

كشفت أسرة إسلام عادل سليم، ابن قرية فيشا الكبرى، التابعة لمركز منوف بمحافظة المنوفية، وأحد أفراد طاقم السفينة المحتجزة قبالة سواحل الصومال، تفاصيل اختفائه خلال تأدية مهام عمله كميكانيكي على السفينة المحتجزة.

أول تعليق من أسرة ميكانيكي السفينة المحتجزة في الصومال

وقال محمد سليم، شقيق إسلام عادل سليم، ميكانيكي السفينة المحتجزة قبالة السواحل الصومالية، في تصريحات خاصة لـ القاهرة 24: السفينة محتجزة من يوم 2 مايو الساعة 5 الفجر، كانوا بيفضوا شحنة بترول في اليمن، وطلع عليهم مجموعة قراصنة مسلحين احتجزوا السفينة، وحتى الآن وهم في الصومال.

وتابع: منعرفش عنه أي حاجة، وآخر مكالمة تواصلنا معاه فيها كانت يوم 6 مايو، ومنعرفش عنه أي تفاصيل، جالنا مكالمة وقالنا أنا كويس اطمنوا عليا، بس الأكل اللي معانا خلص والمياه خلصت، ومنعرفش أي حاجة من اللي بتحصل لهم.

وأضاف: إسلام شغال ميكانيكي على السفينة المحتجزة بالصومال، ودي كانت أول رحلة ليه، أنا بناشد بإنقاذهم وعودتهم لينا، عايزين نطمن عليهم، هم مش معاهم أكل ولا شرب، ولا حد عارف يوصل لهم.

واستكمل شقيق إسلام عادل سليم، ميكانيكي السفينة المحتجزة: عرفنا باختطاف السفينة من السوشيال ميديا، ووالدي كبير في السن مكنش يعرف إن إسلام على السفينة المحتجزة، ولسه عارف وقلقان عليه