• الرئيسية
• السوشيال

حالة من الحزن الشديد انتابت الوسط الإعلامي، بعد الإعلان عن رحيل الإعلامية هبة الزياد بشكل مفاجئ، إثر تعرضها لهبوط حاد مفاجئة في الدورة الدموية، أدى لإصابتها بسكتة قلبية أودت بحياتها بشكل مباغت دون مقدمات.

وكان آخر ظهور للإعلامية هبة الزياد منذ 3 أيام، خلال إحدى حلقات برنامج عبر قناة الشمس، إذ كان موضوع حلقتها عن البصيرة، وتحدثت قائلة: «هو حد يقدر يقرأ أفكارك أو يشوف اللي جواك.. اللي بيشوف اللي جواك بصيرة ولا تمثيل.. في ناس تقعد معاهم تحس إنهم شايفين حركة جسدك، الناس دي بيتقال عليهم عندهم بصيرة، البصيرة يمكن أبصر من العين وأفضل من الإحساس، بس السؤال اللي لازم يتسئل هل في بشر عندهم القدرة دي؟».

حكاية قعر جهنم

في بداية نوفمبر الجاري، كان موضوع حلقة هبة الزياد عن بئر «برهوت» المعروف باسم «قعر جهنم»، والصدفة أنّها قالت إن من الحديث عنه يجلب الحظ السيئ، ولم يمر سوى 25 يومًا حتى لفظت أنفاسها الأخيرة.

وقالت هبة الزياد في حلقتها: «هتكلم عن بئر برهوت، أنا عملت أبحاث عن الموضوع ده، هل حد سمع عن الموضوع ده قبل كده.. أنا سمعت عنه، البئر بعمق 112 مترًا، وعرض فتحته 30 مترًا، عرض القاع 115 مترًا، يُطلق عليه قعر جهنم، بتقول معظم الأساطير إنّه مسكون بالجن، وإن زيارته أو الكلام عنه بيجيب الحظ السيئ».

البئر موجود في اليمن

وأضافت: «البئر تم اكتشافه في رحلات علمية استكشافية، البير موجود في دولة اليمن، وقبل كده اتعمل عنه رحلات استكشافية وفي آخر المطاف تجنبوه خوفا من الأساطير، كانوا بيقفوا بالكاميرات لحد حد معين، وأكتر من حد كان بينزل جوا البير وماكنش بيطلع، ولما كانوا بيرموا صخرة مكنش بيبقى له آخر، لما روحنا شخصيًا للبير ده، لقينا زيه زي أي بئر في العالم، طبيعي فيه تعابين وطيور ميتة وكثاقة عالية لامتصاص الماء أثناء المطر»