• الرئيسية
• السوشيال

خرجت أرملة لاعب الزمالك الراحل إبراهيم شيكا عن صمتها في برنامج “الشفرة” مع الإعلامية علا شوشة، لترد على الهجوم الكبير الذي تعرضت له بعد انتشار فيديو ظهرت فيه وهي تحتضن زوجها داخل المستشفى بعد وفاته مباشرة. وقالت هبة التركي: “الناس انتقدتني وشتمتني كتير، الفيديو فعلا كان بعد الوفاة بس مش أنا اللي نزلته.. الفيديو فيه صوت وأنا مكنتش عارفة ساعتها بقول إيه، أنا كنت لسه خسرانة الراجل الوحيد اللي حبيته في حياتي، اللي قبلها بساعات كان بيقول لي أنا هطلع معاكي من المستشفى وأخف”.

وأوضحت أن لحظة الصدمة دفعتها للتصرف بشكل غير واعٍ، مضيفة: “3 ساعات كنت واخده في حضني، وده متصور بتليفونه هو.. في وقت الصدمة ناس كتير مش بتبقى عارفة هي بتعمل إيه. قعدت 3 أيام من غير تليفونات، ولما صحيت لقيت الفيديو منتشر وجايب مشاهدات، وشلت كل المشرفين اللي عندي وعند شيكا من التليفونات”.

وتابعت أرملة شيكا: “ربنا عالم أنا كنت عاملة إزاي، مكنتش شايفة حاجة 3 أيام دول، كنت بنام بمهدئات.. عندي أكتر من 6 مشرفين ولا حد فيهم عمل لي قيمة من ساعة ما إبراهيم مات”.