• الرئيسية
• فن

تصدرت الفنانة مي عمر، مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، وذلك بعدما وجهت رسالة غامضة إلى أحد الفنانين دون الكشف عن هويته.

وهاجمت مي عمر، عبر حسابها الرسمي بموقع تداول الصور والفيديوهات «إنستجرام» الفنان دون الكشف عن هويته، قائلة: «زميل (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد.. والبوست كان كله بقى: (الترند مش هدف الشغلانة) و (احنا بنشتغل عشان الفن مش الأرقام)».

وأشارت مي عمر، إلى استيائها، قائلة: «كلام تنظير وفزلكة على أعلى مستوى، وأنا ساعتها قلت مش هرد، وكنت سايبة الأيام تكشف، عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس».

وأضافت مي عمر: «فعلاً، مكدبش خبر! أول ما مسلسله دخل التريند، بقى بيشارك فرحان إنه (رقم واحد)، الله! هو الترند كان وحش في رمضان وبقى جميل دلوقتي؟، طبعًا أنا مش ضد إن أي حد يفرح بنجاحه، بالعكس مبروك والله، ومن حقك تفرح وتشارك لأن ده تعبك ومجهودك».

كما انتقدت مي عمر، قائلة: «(أنا مختلف، أنا فوق الترندات) وبعد كده أول ما نقرب منها نطير من الفرح وننشر 20 ستوري، وأنا عارفة إن أي حد يعرفني كويس هيستغرب من كلامي، لأني عمري ما رديت على حد، بس بجد ليه احنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟».

واختتمت مي عمر: «في الآخر التريند مش هدف، غير لما يبقى معانا للتوضيح، كلامي مش موجّه لأي نجوم شاركوا في العمل بالعكس أنا بقدّرهم وبحترمهم علشان محدش يفهمني غلط».