• الرئيسية
• السوشيال

نشر المحامى احمد مهران عبر صفحته على فيسبوك وجاء كالاتى:

أقسم بالله ما شفت أغرب من اللي بيحصل في قضية مروة بنت مبارك ! ولو الوضع استمر كده أنا هنسحب

أغرب سيناريو ممكن تسمع عنه في تاريخ القضايا … ركزوا معايا : علشان الموضوع دخل في مرحلة خـ.ـطر جدًا ومليان مفاجآت !بعد ما مروة بعتتلي رسالة من محبسها وطلبتني أنا وأستاذة هنادي نروح نزورها… و رحنا فعلاً، وطلبت مننا رسمي:

١- إلغاء التوكيل للمحامي القديم والسبب قالت : وصلني معلومات عن تمويلات وأن المحامي بيقول تصريحات مكذوبة تضر موقفها ،،، ولفقد الثقة

٢- عمل توكيل جديد ليا أنا وفريق الدفاع الحالي : أ. هنادي حسان ، د. أحمد مهران ، د. وحيد الكيلاني ،، أ. هاني عوض أنضم لهيئة الدفاع ليكون شريكاً لنا ومتحدثاً إعلامياً

وبالفعل تم إلغاء توكيل المحامي ومروة عملت لنا توكيل، وبدأنا نجهز خطة الدفاع خلصنا لحد كده ؟ لأ طبعًا !

المفاجأة المرعـ.ـبة :

فجأة المحامي القديم رجع في الصورة تاني ! إزاي ؟ وصل لنا معلومة أنه تواصل مع مروة داخل محبسها عن طريق تليفون دخل لها ، وأستطاع بأستخدام أساليبه الملتويه واحترافه الكذب خداع المسكينة والضغط عليها وأقنعها ترجع له تاني

والكـ.ـارثة أنه كمان قدم طلب للنيابة يطلب ندب مأمورية من الشهر العقاري عشان تعمل له توكيل جديد وتلغي التوكيل بتاعنا في نفس الأسبوع

السؤال هنا :

إزاي ده حصل؟ مين دخل التليفون ؟ ومين اللي بيدير اللعبة دي من ورا الستار في الكواليس ؟وهل في فعلاً فلوس بتندفع من برا مصر لبعض الأشخاص ؟وهل في تهديدات؟ ومصالح ؟ ولا ايه اللي بيحصل بالظبط ؟

احنا موقفنا واضح جداً : و نكرر

لو مروة رجعت للمحامي القديم وأصرت… إحنا هننسحب فوراً من القضية ،، لأننا مش هنقبل نكون جزء من مسرحية فيها أكاذيب، ولا هنشارك في لعبة قـ.ـذرة كلها تحايل ولف و دوران ولا هنكمل مع موكل مش عارف هو عايز ايه، ولا هنحط أيدينا في ايد المحامي ده

وأحب أذكركم :

القضية صعبة جدا وفيها مفاجآت :

- التهم هي : سب وقذف المجني عليها

- إنشاء حسابات وهمية إساءة استخدام السوشيال ميديا ، وتعمد ازعاج

- وانتهاك خصوصية المجني عليها

- و المفاجأة أننا اكتشفنا - أثناء دراسة القضية - أن جهات التحقيق ( استخرجت من القضية ، قضية تانية جديدة ) ووجهت لمروة تهمة غسل أموال بسبب هدايا التيك توك ! ومجموع العقوبات المتوقع ؟ ممن يصل الي :

➡ حبس من سنة حد ادني : لـ ٣ سنين

➡ وغرامة من ٥٠ الف جنيه حد ادني و ممكن توصل لـ 500 ألف جنيه!

والنتيجة أن الدفوع والطلبات والمفاجآت اللي كنا ناويين نقدمها علشان نغير مسار القضية حفاظاً على مصلحة الموكلة بتاعتنا علشان نساعدها وتخرج ، مش هنقدر نقدمها إذا تأكد لنا عودت هذا المحامي وقتها ،سنضطر الي الانسحاب من القضية فوراً، ويكمل هو بقى وتتحمل هي وحدها النتائج

إيه رأيكم ؟

و هل اللي بيحصل ده طبيعي؟

ولا في حاجة كبيرة بتحصل ورا الكواليس ؟ وأحنا مش عارفينها