• الرئيسية
• الصحة والجمال ( المرآة )

أكدت الدكتورة شيماء عرفة، أستاذ الطب النفسي بجامعة الأزهر، أن الاختلاف بين الرجل والمرأة ليس ضعفًا ولا نقصًا، بل هو تكامل خلقه الله بحكمة بالغة.
وأضافت أستاذ الطب النفسي بجامعة الأزهر، خلال حوار مع الإعلامية مروة شتلة، ببرنامج "البيت"، المذاع على قناة الناس، اليوم الأربعاء، أن تركيبة المخ لدى كل من الجنسين تختلف بطريقة تؤثر على طريقة التفكير والتواصل والتعامل مع التفاصيل اليومية، مما ينعكس بشكل مباشر على العلاقات الزوجية والاجتماعية.

قالت: "مخ الست بيشتغل بنصّيه مع بعض، الشمال واليمين وده بيخليها شاطرة قوي في التواصل، ومركزة دايمًا في التفاصيل، عكس الراجل اللي بيستخدم النص الشمالي أكتر، وده الجزء المسؤول عن الحاجات الحركية والتخطيط، زي الجوجل ماب مثلاً، تلاقيه عارف طريقه من غير ما يسأل".

وقالت: "الستات بينفعوا قوي في العلاقات العامة، لأنهم بيعرفوا يتعاملوا مع الناس ويهتموا بالمشاعر، لو في مناسبة في البيت، زي عيد ميلاد مثلًا، تلاقي الست فاكرة الميعاد، عاملة التجهيزات، جايبة التورتة، وعاملة حساب الشمع الصناعي كمان! الراجل؟ كتر خيره لو افتكر وجي، وغالبًا هيقول إن المناسبة كلها محتاجة فلوس، وهو جيه وخلاص".

أضافت: "الراجل بيشوف الحاجة ككل صورة عامة، بيقول مثلًا: آه، الحفلة كانت حلوة، بس الست تقولك: طب شفت الستارة؟ طب لاحظت الإضاءة؟ الكرانيش مش عاجباني، هي بتحلل التفاصيل، وده مش عيب، دي طبيعتها".

وتابعت: "احنا مش ضد بعض، احنا بنكمل بعض. هو بيشوف الصورة الكبيرة، وأنا بشوف التفاصيل.. ولما نفهم ده، الحياة تمشي سَلسة، ونتقبل بعض أكتر".