• الرئيسية
• فن

عبّر الفنان محمد طعيمة عن قلقه من التحول الواضح في ثقافة الحب والزواج، مؤكدًا أن الماديات باتت تسيطر على كثير من العلاقات، ما يهدد جوهرها الإنساني والعاطفي.

وقال «طعيمة»، خلال لقائه مع الإعلامية راندا فكري، ببرنامج «الحياة انت وهي»، المذاع عبر قناة الحياة، اليوم، :«للأسف، بيقولوا إذا دخل الفقر من الشباك خرج الحب من الباب، وده بقى واقع منتشر. أنا مش بتمنى تكون دي الثقافة العامة، بس هو ده اللي حاصل دلوقتي».

وعن فكرة الحب الأعمى، قال:«آه، الحب أعمى فعلاً. ممكن تبقى عارف إن الشخص اللي بتحبه عنده عيب كبير، سواء مادي أو حتى أخلاقي، لكن تكمّل معاه علشان مش شايف حاجة غير الحب. وده بيحصل عند الرجالة أكتر».

وأوضح الفنان أن الحب في بدايته بيكون عاطفي ومليء بالمشاعر، لكن مع الوقت، خاصة عند النساء، تبدأ الحاجات الواقعية تظهر:«الست في الأول بتحب، بس بعد فترة بتبدأ تدور على الأمان، على البيت، على الاستقرار. بتبقى عايزة راجل يرفعها ويعلي من شأنها اجتماعيًا وماديًا وأسريًا... وده حقها طبعًا».

وأكد طعيمة أن العلاقات السليمة لازم تكون قائمة على التوازن بين الحب والدعم الحقيقي، مش بس على المشاعر المؤقتة أو الهدايا والماديات، واختتم حديثه بالتأكيد أن الحب الحقيقي بيظهر لما الاتنين يقدروا يتخطوا الصعوبات سوا، مش لما يهربوا منها».