• الرئيسية
• فن

أكدت الفنانة ناهد السباعي أنها تدعم شقيقها محمد السباعي وزوجته آية سماحة بعد الهجوم الذي تعرضا له بسبب إساءتهم للصحفيين بعد جنازة الراحل سليمان عيد.

قالت ناهد السباعي: "أنا معهم قلبا وقالبا، بس هتكلم عن نفسي، أنا مش ضد توثيق أحداث وجنازة نجم كبير فقدناه، أنا ضد انتهاك حرمة الموتى، في ديننا حرام، الميت له حرمة، الميت ماينفعش نصور الكفن وماينفعش نصور وهو نازل المقبرة"، وذلك خلال لقائها في برنامج "ET بالعربي".

وتابعت ناهد السباعي: أنا أهلي مات منهم كتير أوي، وشوفي شكلي بيبقى عامل إزاي، ومش دا اللي معترضة عليه، بيبقى شكلي غريب وبيصوروا كدة، ومش دا اللي معترضة عليه، مع إن حقي إني اعترض إني مش عايزة حد يصورني وأنا شكلي وحش، بس اللي بتكلم فيه إن في حرمة ميت ربنا اللي قالها مش أنا اللي قولتها، أنا مش ضد توثيق حدث مهم، أنا ضد إن أنا نعمل حاجات حرام، لمجرد إن أحنا نصور عشان الـ Reach أو Followers أكتر، بقينا قاسيين أوي وبننسى أوي.

وأضافت ناهد السباعي: الناس اللي بتعذب الحيوانات، ويصوروا ميتين عشان الريتش، دي حاجة قاسية ومش سهلة، ومش حاجة أكيد أي حد يحبها.

وعن استخدام شقيقها محمد السباعي لفظ خارج لوصف المصورين، قالت ناهد السباعي: "وقت الحزن والزعل بيطلع حاجات كدة، وأنا طبعا مع أخويا في كل حاجة".

وكان المخرج محمد السباعي نشر صورا للمصورين من جنازة الفنان الراحل سليمان عيد، معلقا بألفاظ حملت إساءات لهم، وأيدته زوجته الفنانة آية سماحة من خلال تعليق لها عبر المنشور، مما أثار غضب المصورين، وخرج بعدها الزوجان للاعتذار.