عايزة أموت وأخلص.. هلا رشدي: كنت بسأل ربنا سايبني ليه؟
كشفت الفنانة هلا رشدي، تفاصيل فترة من فترات حياتها التي كانت تعيش خلالها حالة ضعف، مما جعلها تتمنى الموت وتطلبه من الله، كما وصفت.
وتحدثت هلا رشدي عن هذه الفترة في حياتها، حيث قالت خلال لقاء تليفزيوني لها: في فترة كنت بعيط عياط هيستيري وبصلي وبخبط دماغي وأنا ساجدة، وبقول لربنا سايبني ليه خُدني، أنا عايزة أموت وعايزة أخلص.
وفي سياق مختلف، سبق وكشفت هلا رشدي موقفها من تحريم الموسيقى، حيث قالت: أنا مش عايزة حد ياخد برأيي، ولكن أنا مش بستحرم الموسيقى خالص، المزيكا حلوة من غير كلام، والكلام الحلو بيحفز الواحد وممكن نسمع أغنية عن سيدنا النبي صلى الله عليه وسلم، بنحس إننا طايرين وعايزين نروح الحرم، وأنا مش بستحرم الموسيقى بصراحة وإن شاء الله ميكنش عليا ذنب.
تعد هلا رشدي ممثلة ومطربة مصرية، لها العديد من الإسهامات في المجال الغنائي، وحصلت على قاعدة جماهيرية كبيرة به، بالإضافة إلى مشاركاتها البسيطة حتى الآن، في مجال التمثيل، حيث شاركت في مسلسل مكتوب عليا عام 2022، بطولة الفنان أكرم حسني.
